2 Samuel 19:35 - MUMA MALER 2015

³⁵ Koro an jahigni piero aboro. Iparo ni pod nitie gimoro manyalo miya mor? Koso awinjo dhath gima achamo kata mar gima amadho? Iparo ni wende chwo kata wende mon pod nyalo miya ilo? Ooyo ruoth, ok owinjore amedni ting’ kayiem.

Motingʼo Loko Manyien

³⁵ Koro an ja-higni piero aboro. Bende anyalo pogo gima ber kod gima rach? Bende jatichni diwinj ndhath gima ochamo kod momadho? Bende pod dawinj dwond chwo gi mon ma jower? Angʼo ma dimi jatichni dimed tingʼ matin ni ruodha ma en ruoth?

2 Samuel 19:35 ပူးပေါင်းရင်းမြစ်များ

2 Samuel 13:25

To ruoth nodwoke niya, “Ooyo wuoda, ok onego wabi waduto, dipo ka wamiyi ting’ mapek.” Absalom nosaye, to kata kamano ne ok oyie dhi, to nogoyone mana oriti.

2 Samuel 15:33

Daudi nowachone niya, “Kwadhi kodi, to dimedna mana ting’.

2 Samuel 19:36

Ere gimomiyo dimiya pok ma kama? Abiro ng’ado kodi aora Jordan kende,

Ezra 2:65

ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo, machwo gi mamon.

Nehemia 7:67

ka ok okwan wasumbgi machwo gi mamon, mane romo alufu abiriyo gi mia adek kod piero adek gabiriyo. Bende ne gin gi jower mia ariyo gi piero ang’wen gabich, machwo gi mamon

Ayub 12:11

Donge it dhano pimo weche mowinjo, mana kaka lep pogo ndhath gik mobilo?

Ayub 6:30

Un pod uparo ni ariambo ariamba, kendo uparo ni ok ang’eyo pogo gima ber gi gima rach!

Zaburi 90:10

Hik dhano gin piero abiriyo, to ka ng’ato nigi ngima maber, to onyalo dak higni piero aboro. To hignigo duto kelonwa mana chandruok gi kuyo. Ngimawa rumo piyo, kendo walal nono.

Wuok 12:4

To kapo ni joot moro nok ahinya ma chiayo ngima ohingo, to wuon odno kod ng’at modak bute nyaka riwre e chiayono. Nyaka upim gima ng’ato ka ng’ato nyalo chamo, mondo ung’ego kar romb joma oromo chiayo achiel.

Wuok 2:8

Nyar Farao nodwoke ni, “Tim kamano.” Mi nyano nodhi moluongo mana min nyathino.

Eklesiastes 2:8

Bende ne achoko fedha gi dhahabu mane igolo e ut keno mag ruodhi mag pinje mane aloyo. Chwo gi mon ne werna mondo omiya mor, kendo ne an gi mon duto ma ng’ama dichwo nyalo dwaro.

Jo-Hibrania 5:14

Joma dongo to chamo chiemo motegno, nikech gisepuonjore, mi ging’eyo pogo gik mabeyo gi gik maricho.

1 Petro 2:3

nimar kaka Muma wacho, usebilo ng’wono mar Ruoth.