2 Samuel 19:28 - MUMA MALER 2015

²⁸ nikech joodwa duto nowinjore gi tho e lweti, to kata kamano niyiera mondo abed achiel kuom joma chiemo kodi. Koro ere gima chielo ma damed kwayi?”

Motingʼo Loko Manyien

²⁸ Anywolana duto ne ok onego gen gimoro moa kuom ruodha ma en ruoth makmana tho, to ne imiyo jatichni obet kod jogo machiemo e mesani. En ratiro mane ma an-go madimi amed keto kwayona ni ruoth?”

2 Samuel 19:28 ပူးပေါင်းရင်းမြစ်များ

Chakruok 32:10

Ok awinjora gi herani maradier kendo mosiko misenyisa. Nang’ado aora Jordan ka aonge gi gimoro mak mana ludha mar wuoth kende, to koro aseduogo gi ogendini ariyogi.

2 Samuel 14:17

Bende naparo niya, ‘Wach ruoth ema nyalo miya kue, nikech ruoth chalo malaika mar Nyasaye mapogo gima ber gi gima rach.’ Ruoth Nyasaye ma Nyasachi mondo obed kodi.”

2 Samuel 14:20

Notimo kamano ni mondo gik mosetimore olokre. To ruoth, in gi rieko machalo mar malaika mar Nyasaye ming’eyogo gik moko duto matimore e piny.”

2 Samuel 15:26

To ka Ruoth Nyasaye owacho ni ok an ng’at malong’o e nyime, to era e, mondo otimna gima ohero.”

2 Samuel 16:3

Ruoth nomedo penje ni, “To wuod ruodhi ni kanye?” Ziba nodwoke niya, “Odong’ Jerusalem, nikech nowacho ni, ‘Tinende jo-Israel biro dwokona loch wuora.’ ”

2 Samuel 19:29

Ruoth nowachone niya, “Asewinjo wachni, kendo koro aneno ni mondo upogru gi Ziba mwandu mane amiye.”

2 Samuel 9:10

In kod yawuoti gi wasumbi nyaka upurne puothene, kendo ukelne cham monyakie, mondo jood nyakwar ruodhu oyud chiemo. Mefibosheth owuon to abiro miyo chiemo ndalo duto.”

2 Samuel 9:13

Mefibosheth nodak Jerusalem, nikech nochiemo ndalo duto e mesa ruoth. To tiende duto nong’ol.

2 Ruodhi 8:3

Kane higni abiriyogo oserumo, dhakono noduogo koa e piny jo-Filistia, mi nodhi mondo okwa ruoth odwokne ode gi puothe.

1 Samuel 26:16

Gima isetimo ok ber. Gi nying Ruoth Nyasaye, uwinjoru gi tho, nikech ne ok urito ruoth, ng’at mowir ma Ruoth Nyasaye oyiero. Koro neye kuma tong’ ruoth nitie, kod puk pi mane ni yo ka wiye.”