2 Samuel 19:21 - MUMA MALER 2015

²¹ Abishai wuod Zeruya nowacho niya, “Donge owinjore Shimei tho kuom kuong’o ruoth mowir ma Ruoth Nyasaye oyiero?”

Motingʼo Loko Manyien

²¹ Eka Abishai wuod Zeruya nowacho niya, “Donge Shimei onego neg nikech ma? Nokwongʼo ngʼat Jehova Nyasaye mowir.”

2 Samuel 19:21 ပူးပေါင်းရင်းမြစ်များ

2 Samuel 16:13

Daudi gi joge nodhi nyime gi wuodhgi, to Shimei ne wuotho e kor got komanyore gi Daudi, kokuong’e kendo obaye gi kite, kendo oguetho.

2 Samuel 16:5

Kane Daudi ochopo Bahurim, ng’at moro ma nyinge Shimei wuod Gera, ma ja dhood Saulo, nowuok, mokuong’e alanda.

2 Samuel 16:9

Abishai wuod Zeruya nowacho ni ruoth niya, “Marang’o iweyo guok mothoni kuong’i? Yiena mondo adhi ang’ad wiye oko.”

Zaburi 84:9

A Nyasaye, guedh ruodhwa ma ritowa. En e ruoth ma iseyiero, mowir gi mo.

Wuok 22:28

“Kik uyany Nyasaye, kendo kik ukuong’ jotendu.

Ywagruok 4:20

Ruoth mane Nyasaye oyiero, kendo ma wakwano ka ngimawa, ne gimako e bur mane gikunyo. To en e jal mane waparo ni dwadag e bwo tipone e kind ogendini.

1 Samuel 24:6

To Daudi nowacho ni joge niya, “Ruoth Nyasaye mondo ogeng’a kik ahiny ruodha, kata mana lith lweta kik ater kuome, nikech en ng’at mowir ma Ruoth Nyasaye oyiero.”

1 Samuel 26:9

To Daudi nodwoke niya, “Kik inege, nimar onge ng’ama nyalo tero lwete kuom ruoth mowir ma Ruoth Nyasaye oyiero, mak doyud bura.”