2 Samuel 19:17 - MUMA MALER 2015

¹⁷ Jo-Benjamin alufu achiel bende nobiro kode. Ziba jatich joka Saulo kod yawuote apar gabich gi wasumbni piero ariyo, noreto, mokwongo ni ruoth chopo Jordan,

Motingʼo Loko Manyien

¹⁷ Jo-Benjamin alufu achiel ne ni kode, kaachiel Ziba, ma jatend jorit mwandu mar od Saulo, to gi yawuote apar gabich kod jotije piero ariyo. Negireto ka gidhi Jordan, kuma ruoth ne nitie.

2 Samuel 19:17 ပူးပေါင်းရင်းမြစ်များ

2 Samuel 16:5

Kane Daudi ochopo Bahurim, ng’at moro ma nyinge Shimei wuod Gera, ma ja dhood Saulo, nowuok, mokuong’e alanda.

2 Samuel 19:18

mondo gikonye ng’ado aora gi joode, kendo gitimne gimoro amora modwaro. Kane ruoth oikore ng’ado aora, Shimei wuod Gera nogoyo chonge piny, mokulorene nyaka e lowo,

2 Samuel 3:16

Chworeno nokowe nyaka Bahurim, ka ywak. To Abner nowachone ni, “Dogi!” Mi nodok.

2 Samuel 9:10

In kod yawuoti gi wasumbi nyaka upurne puothene, kendo ukelne cham monyakie, mondo jood nyakwar ruodhu oyud chiemo. Mefibosheth owuon to abiro miyo chiemo ndalo duto.”

2 Samuel 9:2

Ne nitie jatich joka Saulo moro ma nyinge Ziba. Ne giluonge mondo obi ir Daudi. Kane osebiro, ruoth nopenje niya, “In e Ziba koso?” Mi nodwoke niya, “E an, ruoth.”

1 Ruodhi 2:8

To kik wiyi wil gi Shimei wuod Gera ma ja-Benjamin moa Bahurim, nikech nokuong’a gi kuong’ malit, chieng’ mane awuok kadhi Mahanaim. To bang’e, kane romona e aora Jordan, nakuong’orane gi nying Ruoth Nyasaye ni ok nanege.