2 Samuel 19:13 - MUMA MALER 2015

¹³ Wachuru ni Amasa bende ni, ‘Donge ing’eyo ni in kod an wan remo achiel? Nyasaye mondo okweda ka ok aketi jatend jolweny kar Joab.’ ”

Motingʼo Loko Manyien

¹³ Kendo wachne Amasa ni, ‘Donge in wadwa ma remba? Mad Nyasaye kuma malit ahinya ka dipo ni ok aketi jatend jolweny sani kar Joab.’ ”

2 Samuel 19:13 ပူးပေါင်းရင်းမြစ်များ

Chakruok 29:14

mi Laban nowachone niya, “Adier in remba.” Kamano Jakobo nobet kode kuom due mangima.

2 Samuel 17:25

Absalom noseketo Amasa mondo obed jatend jolweny kar Joab. Amasa ne wuod ja-Ishmael ma nyinge Ithra, ma nokendo Abigail nyar Nahash, ma nyamin Zeruya ma min Joab.

2 Samuel 18:11

Joab nopenjo ng’atno niya, “Ka inene adier, marang’o ne ok ichwowe mondo otho gi kanyono? Da amiyi fedha apar, gi okanda maber.”

2 Samuel 20:4

Daudi nonyiso Amasa niya, “Chok jo-Juda duto kanyakla, ibigo ira kapok ndalo adek orumo.”

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Samuel 5:1

Dhout Israel duto nobiro Hebron ir Daudi, mi giwachone niya, “Ng’e ni wan mana remo achiel kodi.

2 Samuel 8:16

Joab wuod Zeruya ne jatend jolweny, to Jehoshafat wuod Ahilud ne jachan weche.

1 Ruodhi 19:2

Mi Jezebel nooro jaote ir Elija, kowacho niya, “Ka kiny ochopo sa makama, ka pok anegi kaka isenego jonabigo, to nyiseche mondo onega!”

1 Weche mag Ndalo 12:18

Eka Roho nolor kuom Amasai, jatend thuondi piero adek kande mowacho niya, “Wan kodi Daudi! Wan jogi, wuod Jesse. Wamosi! Wamosi! Wamoso Jakonyni bende! En Nyasachi makonyi.” Eka Daudi norwakogi, moketogi kuom joge mag lweny.

Ruth 1:17

Kama nithoe ema nathoe, kendo kanyo ema noyikae. Ruoth Nyasaye mondo okweda ka wach moro opoga kodi, kata da obed mana tho.”