2 Samuel 18:9 - MUMA MALER 2015

⁹ Absalom nopo koromo gi jolwenj Daudi. Noyudo oseidho kanyna, to kane kanyna kadho e tiend yath maduong’ ma bedene okar, wi Absalom nomoko e bad yadhno, mi nodong’ koliero kanyo e kor muya, to kanje nodhi adhiya.

Motingʼo Loko Manyien

⁹ Koro Abisalom nopo koromo gi jolwenj Daudi koidho pundane. To kane oyudo kanyna kadho e bwo yiend ober man-gi tipo malach, wi Abisalom nomoko e bad yadhno, mi nodongʼ koliero e kor yamo, ka kanyna mane oidho to ne dhiyo nyime gi wuoth.

2 Samuel 18:9 ပူးပေါင်းရင်းမြစ်များ

2 Samuel 13:29

Mi jotich Absalom notimo ni Amnon mana kaka Absalom nochikogi. To yawuot ruoth moko duto noidho kenjegi piyopiyo, moringo.

2 Samuel 14:26

Nolielo wiye higa ka higa, kane yie wiye ohinge. To ka nopimo yie wiyeno, noyudo ni pekne romo kilo ariyo.

2 Samuel 17:23

Kane Ahithofel oneno ni Absalom ok oluwo rieko ma nong’adone, noidho kanje, modok thurgi nyaka dalane. Nolamo gige ni joode, mi nodere, motho. Ne giyike but wuon mare.

2 Samuel 18:10

Ng’at moro noneno Absalom, mowacho ni Joab niya, “Aa neno Absalom koliero e yath.”

2 Samuel 18:14

Joab nowachone niya, “An ok anyal galora kodi kamano.” Mi nokawo aserni adek, modhi ochielogo Absalom mane pod oliero e yath ka ngima.

2 Samuel 18:8

Lweny nolandore, mokwako pinyno duto, mi chieng’no joma ne otho e bungu ne ng’eny moloyo mago mane jolweny onego.

Ayub 31:3

Donge chandruok gi masira ema orito joma timbegi richo?

Ngeche 20:20

Ka ng’ato okuong’o wuon kata min, to ngimane norum mana ka taya motho e mudho mandiwa.

Ngeche 30:17

Ng’at manyiero wuon, kata machayo min mare ka oti, onego achuth cham, kata onego agak lodh wengene!

Jeremia 48:44

Ng’ato ang’ata ma temo tony e masira biro nyumore e bugo, to ng’ama owuok e bugo, obadho biro mako, Mago duto biro timore ni jo-Moab chieng’ ma akumogie.

Mathayo 27:5

Kane Judas owinjo kamano, nowito pesago e Hekalu, modhi odere.

Mariko 7:10

Musa nochiko ni, ‘Luor wuoru gi meru’, kendo ni, ‘Ng’at moyanyo wuon kata min nyaka negi’

Jo-Galatia 3:13

To Kristo nowarowa kuom kuong’ ma Chik kelo, kane odoko ng’ama okuong’ nikech wan, nimar Muma wacho niya, “Okuong’ ng’ato ang’ata ma olier e yath.”

Rapar mar Chik 21:23

to ringreno kik we kanyo otienono duto. Nyaka yike chieng’ onogo, mondo kik uketh piny ma Ruoth Nyasaye ma Nyasachu biro miyou ka mwanduu, nikech ng’at molier e yath okuong’ e nyim Nyasaye.

Rapar mar Chik 27:16

“ ‘Okuong’ ng’at mochayo wuon kata min.

Rapar mar Chik 27:20

“ ‘Okuong’ ng’at moterore gi chi wuon, nikech oelo dug wuon mare.