2 Samuel 18:2 - MUMA MALER 2015

² Nopogo jolweny e migepe adek. Migawo achiel noketo e bwo Joab, to moro e bwo Abishai wuod Zeruya, omin Joab, kendo mar adek e bwo Itai ja-Giti. Nowacho ni jolweny niya, “An bende adhi kodu e lweny.”

Motingʼo Loko Manyien

² Daudi nooro migepe adek mag jolweny: mokwongo notelne gi Joab, mar ariyo notelne gi Abishai ma owadgi Joab wuod Zeruya, mar adek notelne gi Itai ja-Giti. To ruoth nowachone migepego niya, “An bende nyaka adhi kodu.”

2 Samuel 18:2 ပူးပေါင်းရင်းမြစ်များ

2 Samuel 17:11

An to ang’ado rieko ni mondo ichok jo-Israel duto kanyakla, chakre Dan nyaka Beer-sheba, joma thoth ka kuoyo ma e dhonam. Kendo in iwuon itelnigi e lweny.

2 Samuel 21:17

To Abishai wuod Zeruya nobiro monego ja-Filistiano, mi Daudi otony. Bang’e jolwenj Daudi nosayo Daudi niya, “Kik ichak idhi kodwa e lweny, nimar dipo ka chieng’ moro onegi, to in ema ibedonwa ka taya e Israel.”

2 Samuel 23:18

Abishai owadgi Joab, wuod Zeruya, ema ne jatend thwondi piero adekgo. Nonego ji mia adek gi tong’ mi nobedo ng’at marahuma kuom thuondigo.

2 Samuel 8:16

Joab wuod Zeruya ne jatend jolweny, to Jehoshafat wuod Ahilud ne jachan weche.

1 Ruodhi 2:28

Kane Joab owinjo wachno, noringo odhi e Hema mar Nyasaye, momako tunge kendo-mar-misango, nimar nodok ni Adonija,, kata obedo ni ne ok odok ni Absalom, e kinde mane Absalom ong’anyoe.

Zaburi 3:6

Ok aluoro wasigu gana gi gana molwora koni gi koni.

Jong’ad Bura 7:16

Nopogo joge mia adek e migepe adek, momiyo ng’ato ka ng’ato tung’ kod agulu moting’o meny e iye.

Jong’ad Bura 7:19

Gideon gi joge mia achiel nochopo e bath kambi kar sa ang’wen mar otieno, mana ka jorit manyien chako tich. Ne gigoyo tung’ kendo ne ginego agulini mane giting’o.

Jong’ad Bura 9:43

Nokawo joge, mopogo e migepe adek, mi ne gidhi gipondo e bungu. To kane oneno ji kawuok e dala, nowuok kama nopondoe, momonjogi.

1 Samuel 11:11

Kinyne Saulo nopogo joge e migepe adek. Ne gimwomore e kambi jo-Amon kogwen, mi ginegogi nyaka chieng’ otegno. Jo-Amon mane odong’ noke, mane ok nyal nwang’ kata ji ariyo kaachiel.