2 Samuel 18:19 - MUMA MALER 2015

¹⁹ Ahimaaz wuod Zadok nowacho niya, “We aring ater ni ruoth wach maber kaka Ruoth Nyasaye oserese e lwet wasike.”

Motingʼo Loko Manyien

¹⁹ Koro Ahimaz wuod Zadok nowacho niya, “We aring ater wachni ne ruoth ni Jehova Nyasaye oserese e lwet jowasike.”

2 Samuel 18:19 ပူးပေါင်းရင်းမြစ်များ

2 Samuel 15:27

Ruoth nomedo wacho ni Zadok jadolo niya, “Koro doguru dala gi kue, in gi Ahimaaz wuodi, kod Abiathar gi Jonathan wuode.

2 Samuel 15:36

Ahimaaz wuod Zadok, kod Jonathan wuod Abiathar bende ni kodgi kuno. Gin ema mondo iorgi gikelna weche duto miwinjo.”

2 Samuel 17:17

Noyudo Jonathan gi Ahimaaz jobet En-rogel ka rito wach, nikech ne ok owinjore mondo gidonj Jerusalem, nimar dipo ka ng’ato onegogi. To nyako moro ma jatich ema ne dhi En-rogel pile nyisogi gik matimore, eka ne gitero ni Daudi wach.

2 Samuel 18:20

To Joab nodwoke ni, “Kawuono ok niter wach, nimar wach ma diter kawuono ok en wach maber, nikech wuod ruoth osetho. Ibiro tero wach chieng’ machielo.”

2 Samuel 18:23

Ahimaaz nodwoke niya, “Kata da nadi, to nyaka aring adhi.” Omiyo Joab noyiene mondo oring odhi. Mi Ahimaaz noringo, koluwo yor paw aora Jordan moyombo ja-Kush.

2 Samuel 18:31

Eka ja-Kush bende nochopo, mowacho niya, “Ruoth akeloni wach maber, nikech Ruoth Nyasaye oseresi e lwet joma nopiem kodi.”

Zaburi 10:14

To adier ineno joma chandore kendo mokuyo, bende pile iikori mar konyogi. Ng’at ma ok nyal konyore chiwore e lweti, nikech pile isebedo kikonyo jochan gi nyithind kiye.

Zaburi 10:18

Bende iwinjo ywak joma ithiro, gi ywak nyithi kiye, kendo ing’adonigi bura kare, mondo kihondko kik chak mi giring giwe miechgi.

Zaburi 7:6

Ruoth Nyasaye, a malo kikecho, mondo ithir gero ma wasika nigo.

Zaburi 9:16

Ruoth Nyasaye osefwenyore kuom ng’ado bura kare, to joricho osenyumore e timbegi giwegi.

Zaburi 9:4

In jang’ad bura kare. Iseng’adona bura maber, ka ibet e kom duong’ni.

Jeremia 51:31

Joote mang’eny ringo kaa koni gi koni mondo onyis ruodh Babulon ni wasigu osemwomo ohinga kuonde duto.

Jo-Rumi 12:19

Osiepena, kik uchul kuor, to kar chulo kuor to weuru mondo mirimb Nyasaye ema otim kamano, nikech ondiki e Muma ni Ruoth Nyasaye owacho niya, “An ema nachul kuor. Adier, anachul maonge kiawa!”