2 Samuel 17:23 - MUMA MALER 2015

²³ Kane Ahithofel oneno ni Absalom ok oluwo rieko ma nong’adone, noidho kanje, modok thurgi nyaka dalane. Nolamo gige ni joode, mi nodere, motho. Ne giyike but wuon mare.

Motingʼo Loko Manyien

²³ Kane Ahithofel oneno ni rieko mane ongʼado ok oluw, noidho pundane modok dalagi e ode. Noloso weche mag ode; bangʼe ne odere. Omiyo notho moike e bur wuon mare.

2 Samuel 17:23 ပူးပေါင်းရင်းမြစ်များ

2 Samuel 15:12

Kane Absalom timo misango, nooro wach Gilo, moluongne Ahitofel ja-Gilo, ma jang’ad rieko ni Daudi. Kamano ji mane ong’anyo ka dok ni Absalom nomedore.

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 16:23

E ndalogo rieko mane Ahithofel ng’ado ne chalo mana gi rieko mane ng’ato yudo kopenjo Nyasaye wach. Daudi kod Absalom bende ne kwano rieko mar Ahithofel kamano.

2 Samuel 17:22

Omiyo Daudi kod joge nong’ado aora Jordan, mi kane piny oru, ne onge kata ng’at achiel mane pok ong’ado aora.

1 Ruodhi 16:18

To kane Zimri oneno ni dala osekaw, nodonjo e od ruoth, mochwinyo mach kuom odno, motho kanyo.

2 Ruodhi 20:1

E ndalogo, Hezekia ne tuo, kendo ohewore. Janabi Isaya wuod Amoz nobiro ire, mowachone niya, “Ruoth Nyasaye owachoni ni mondo ilam mwanduni ni yawuoti, nimar ibiro tho, ok nikwo.”

Ayub 31:3

Donge chandruok gi masira ema orito joma timbegi richo?

Zaburi 109:20

To, A Ruoth Nyasaye, mano kaka onego ikum wasika mawacho gik malichgo kuoma!

Zaburi 5:10

A Nyasaye, kwedgi kendo kumgi. Parogi maricho mondo ohinygi giwegi. Riembgii oko e nyimi, nikech richogi ng’eny kendo gipiem kodi.

Zaburi 55:23

Jonek gi jomriambo ok nodag aming’a. In Nyasaye ibiro wito jogo e bur matut. An to abiro geno kuomi.

Ngeche 16:18

Sunga kelo masira, kendo ng’ayi miyo ng’ato chwanyore.

Ngeche 19:3

Ng’at mofuwo kethore kende owuon, to bang’e owacho ni Ruoth Nyasaye ema otimone kamano.

Isaya 38:1

E ndalogo, Hezekia ne tuo, kendo ohewore. Janabi Isaya wuod Amoz nobiro ire, mowachone niya, “Ruoth Nyasaye owacho ni mondo ilam mwanduni ni yawuoti, nimar ibiro tho, ok nikwo.”

Mathayo 27:5

Kane Judas owinjo kamano, nowito pesago e Hekalu, modhi odere.