2 Samuel 17:17 - MUMA MALER 2015

¹⁷ Noyudo Jonathan gi Ahimaaz jobet En-rogel ka rito wach, nikech ne ok owinjore mondo gidonj Jerusalem, nimar dipo ka ng’ato onegogi. To nyako moro ma jatich ema ne dhi En-rogel pile nyisogi gik matimore, eka ne gitero ni Daudi wach.

Motingʼo Loko Manyien

¹⁷ Jonathan gi Ahimaz ne ni En Rogel. Nyako moro ma jatich ne onego ternegi wach, to gin ne giterone ruoth Daudi nikech ne ok gidwar ni ngʼato onegi ka gidonjo e dala maduongʼno.

2 Samuel 17:17 ပူးပေါင်းရင်းမြစ်များ

2 Samuel 15:27

Ruoth nomedo wacho ni Zadok jadolo niya, “Koro doguru dala gi kue, in gi Ahimaaz wuodi, kod Abiathar gi Jonathan wuode.

2 Samuel 15:35

Un gi Zadok gi Abiathar ma jadolo kuno. Wach moro amora miwinjo e od ruoth to inyis jodologo.

2 Samuel 15:36

Ahimaaz wuod Zadok, kod Jonathan wuod Abiathar bende ni kodgi kuno. Gin ema mondo iorgi gikelna weche duto miwinjo.”

1 Ruodhi 1:42

Kane Joab pod loso, Jonathan wuod Abiathar jadolo nochopo. Adonija nokone ni, “Donji! In ng’ama ber, kendo ageno ni ikelo wach maber!”

1 Ruodhi 1:9

Adonija noyang’o rombe gi ruedhi kod dhok machwe, kotimogo misango but lwanda mar Zoheleth man but En-rogel. Nogwelo owetene duto ma yawuot ruoth, kod jodong Juda duto,

Joshua 15:7

Eka noluwo holo mar Akor nyaka Debir, kochomo yo nyandwat nyaka Gilgal, machiegni gi yo maidho Adumin man yo milambo mar aora. Eka nokadho kuonde thidhiya man En-shemesh, mochopo En-rogel.

Joshua 18:16

Eka nodhi nyaka bath got mochomore gi holo Ben-hinom man yo nyandwat mar holo Refaim. Noluwo holo Hinon tir kochomo yo milambo mar god jo-Jebus nyaka En-rogel.