2 Samuel 17:14 - MUMA MALER 2015

¹⁴ Mi Absalom gi jo-Israel duto nowacho niya, “Rieko mar Hushai ja-Arki ber moloyo rieko mar Ahithofel.” To mano notimore nikech Ruoth Nyasaye nosechano mondo okel masira ni Absalom, komiyo rieko mar Ahithofel bedo kayiem nono.

Motingʼo Loko Manyien

¹⁴ Abisalom kod ji duto mag Israel nowacho niya, “Rieko mar Hushai ja-Arki ber moloyo mar Ahithofel.” Nimar Jehova Nyasaye noramo ni nyaka oroch rieko maber mane Ahithofel ongʼado mondo okelni Abisalom masira.

2 Samuel 17:14 ပူးပေါင်းရင်းမြစ်များ

Chakruok 32:28

Eka ng’atno nowachone niya, “Chakre kawuono nyingi ok nobed Jakobo, to ibiro luongi ni Israel, nikech isei gi Nyasaye, kendo gi ji, miloyo.”

2 Samuel 15:31

Nonyis Daudi ni Ahithofel en achiel kuom joma odok ni Absalom, mi nowacho niya, “A Ruoth Nyasaye, asayi, lok rieko mar Ahithofel mondo obed mana fuwo!”

2 Samuel 15:34

Omiyo in dog Jerusalem, mondo iwach ni Absalom ni initine kaka nitiyo ni wuon mare e ndalo mokadho. Kitimo kamano to inikethna rieko Ahithofel.

2 Samuel 16:23

E ndalogo rieko mane Ahithofel ng’ado ne chalo mana gi rieko mane ng’ato yudo kopenjo Nyasaye wach. Daudi kod Absalom bende ne kwano rieko mar Ahithofel kamano.

2 Weche mag Ndalo 10:15

Kamano ruoth ne ok odewo ji. To Nyasaye ema nomiyo gigo otimore kamano, mondo ochop singruokne mane omiyo Ahija ja-Shilo owacho ni Jeroboam wuod Nebat.

2 Weche mag Ndalo 10:8

To Rehoboam nodagi rieko ma jodongo nong’adone. Noporo wach gi yawuowi ma mbesene ma ne ni kode,

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

2 Weche mag Ndalo 25:20

To Amazia ne ok odewo, nimar ne en dwaro Nyasaye mondo ochiw jo-Juda e lwet wasikgi, nikech ne gigeno kuom nyiseche jo-Edom.

Nehemia 4:15

Kane wasikwa owinjo ni wasefwenyo gima gichano timo, kendo ni Nyasaye oseketho parogi, ne giweyowa, mi waduto ne wadhi nyime gi gedo.

Ayub 12:17

Oketho rieko mag jotelo, kendo omayo jong’ad bura paro.

Zaburi 9:15

Ogendini ma ok ong’eyo Nyasaye osekunyo bur monyumoree. Ee, gisechiko obadho, mi gin giwegi ema gimokoe.

Zaburi 9:16

Ruoth Nyasaye osefwenyore kuom ng’ado bura kare, to joricho osenyumore e timbegi giwegi.

Wuok 9:16

To aseweyi ibet mangima mana ni mondo anyisigo tekona, kendo mondo humba olag e piny ngima.

Ngeche 19:21

Ng’ato nyalo chano gik mathoth, to dwaro mar Ruoth Nyasaye ema timore.

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Isaya 8:10

Kata dabed ni uchano gik ma udwaro timo, to gik ma uchanogo nokethre. Adier, kata dabed ni ugolo chik mondo otimgi, to ok ginitimre, nikech Nyasaye ni kodwa.

Ywagruok 3:37

En ng’a ma dichik gimoro mi timre, ka ok Ruoth Nyasaye ema ochano ni mondo gino otimre?

Amos 9:3

Ka gipondo ewi got Karmel, to nadwargi nyaka amakgi. Ka gipondona e bwo pi matut, to anachik thuol mondo okagi kuro.

Luka 16:8

“Jamokono nopako jarit gige ma ok kareno kuom riekone, kendo en adier ni joma ok ong’eyo Nyasaye tiyo gi jowadgi gi rieko moloyo rieko ma joma ong’eyo Nyasaye tiyogo gi jowetegi.”

1 Jo-Korintho 3:19

nikech rieko mar pinyni en mana fuwo e wang’ Nyasaye. Nitie wach moro e Muma mawuoyo kuom Nyasaye kama: “En ema omako jorieko gi riekogi giwegi.”

Rapar mar Chik 2:30

To kata kamano, Sihon ruodh Heshbon nodagi miyowa thuolo mondo wakadhi, nimar Ruoth Nyasaye ma Nyasachu nomiyo toke odoko matek mondo ochiwe kaachiel gi pinye e lwetu, kendo uneno ka pinyno pod marwa nyaka chil kawuono.

Joshua 11:20

Ruoth Nyasaye nomiyogi chir mar kedo gi jo-Israel mondo jo-Israel oneggi maonge ng’wono, kendo otiekgi chuth, mana kaka Ruoth Nyasaye nosechiko Musa.