2 Samuel 17:10 - MUMA MALER 2015

¹⁰ Mi kata ng’at ma jachir, kendo mager ka sibuor, nokirni, nikech jo-Israel duto ong’eyo ni wuoru en thwon, kendo joma ni kode jochir.

Motingʼo Loko Manyien

¹⁰ Kata mana jalweny ma jachir ma chunye chalo gi chuny sibuor, biro kirni ka luoro ohewe, nimar Israel duto ongʼeyo wuonu ni en jalweny kendo ni ji man kode gin jochir.

2 Samuel 17:10 ပူးပေါင်းရင်းမြစ်များ

Chakruok 49:9

Juda, in nyathi sibuor. Inego le, eka idok kari midakie. Juda, ichalo sibuor moriere kendo onindo piny, maonge ng’ama hedhore chiewo.

2 Samuel 1:23

Saulo gi Jonathan ne joma oher kendo joma beyo. Ne ok gipogore e ngimagi kata e thogi. E ng’uech, ne giyot kongo. Ne gin rateke moloyo sibuor.

2 Samuel 17:9

Kata sani, koro osepondo e bugo moro kata kamoro machielo. Omiyo ka jowa moko oneg mana e chakruok lweny, to ng’ato ang’ata mowinjo biro wacho ni masira osemako joma luwo Absalom.

2 Samuel 23:20

Benaya wuod Jehoyada, thwon Kabzeel marahuma, notimo timbe thwon mang’eny. Bende nonego thwond Moab ariyo. Chieng’ moro kane kodh pe osechue, nolor e bur, monego sibuor kanyo.

Zaburi 89:19

Chon nifwenyori ni jogi, miwachonigi niya, “Aseketo osimbo ewi jalweny marahuma.

Wuok 15:15

Koro luoro omako jodong Edom, kendo ruodhi mag Moab ochako kirni. Ji duto modak Kanaan, bende chirgi olal.

Ngeche 28:1

Jaricho ringo kata ka onge ng’ama lawe. Ng’at makare to jachir ka sibuor.

Wer Mamit 3:7

Neuru, giting’o kom miting’oe Solomon, kendo thuwondi piero auchiel olwore. Gin jolweny magerie moloyo e Israel.

Isaya 13:7

Chieng’onogo lwet ng’ato ka ng’ato nowengni, kendo kibaji nogo ji duto, ma chunygi a chuth.

Isaya 19:1

Wach mane Nyasaye onyiso fweny kuom Misri e ma: Neuru kaka Ruoth Nyasaye biro piyopiyo e boche polo. Obiro e piny Misri, emomiyo nyiseche manono mag Misri kirni.

Ezekiel 21:15

Omiyo joga tuomore, kendo chunygi nyosore. Abwogo dalagi gi ligangla ma mil ka polo, kendo moikore mondo oneki.

Rapar mar Chik 1:28

Ang’o ma wabiro yudo kuno ka wadhi? To jowetewa mane waoro osenego chunywa, ka wachonwa ni ji man kuno rabede kendo boyo mohewowa! Bende ginyisowa ni mier man kuno dongo, kendo nigi ohinga maboyo mochopo e polo. To kendo nyikwa Anakim bende gineno kuno!’

Jo-Hibrania 11:34

Yie ema ne omiyo giumo dho sibuoche, kendo ginego gero mar mach, bende gitony e lweny. Kata obedo ni ne gin joma nyap, to yie nomiyo gibedo joma rateke, kendo gidoko joma ger e lweny, mi giriembo jolweny mane oa e pinje mamoko.

1 Samuel 16:18

Eka achiel kuom jotichne nodwoke niya, “Ang’eyo wuowi moro ma wuod Jesse ja-Bethlehem, molony e goyo thum. En ng’at ma jachir, kendo ma ratego e lweny. Ong’eyo wuoyo, kendo en jaber. Ruoth Nyasaye bende ni kode.”

1 Samuel 18:17

Saulo nowacho ni Daudi niya, “Ineno Merab nyara maduong’ni? Abiro miyigo, ikende. To in nyaka ibed mathwon, kikedona lwenje gi wasik Ruoth Nyasaye.” To Saulo ne dwaro ni mondo jo-Filistia ema oneg Daudi, ma ok onege en owuon.