2 Samuel 16:22 - MUMA MALER 2015

²² Jo-Absalom noyie gi wachno mi ne giguro ni Absalom hema ewi ot malo, kendo Absalom nodonjo, moriwore gi mond wuon mare, mana ka jo-Israel duto neno.

Motingʼo Loko Manyien

²² Omiyo negiguro hema ne Abisalom ewi ot malo kendo noterore gi monde wuon-gi mamoko mana ka jo-Israel duto neno.

2 Samuel 16:22 ပူးပေါင်းရင်းမြစ်များ

Chakruok 35:22

E kinde mane Israel odak e pinyno, Reuben noterore gi Bilha, ma achiel kuom mond wuon nare. Israel nowinjo wachno, mi iye owang’. Jakobo ne nigi yawuowi apar gariyo.

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

2 Samuel 15:16

Omiyo Ruoth nowuok kaachiel gi joode duto, mak mana monde apar moko ema noweyo mondo orit ode.

2 Samuel 20:3

Kane Daudi ochopo e ode Jerusalem, nokawo monde apar ma noweyo ka rito dala, mi noketogi e ot moro machielo, kama ne gibedo kiritogie. Nomiyogi chiemo, to ne ok oriwore kodgi kendo. Kamano noloronigi nyaka chieng’ thogi, ka gidak mana ka mond liete.

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Jeremia 3:3

Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Ezekiel 24:7

Dalano ne otimo remo, to remono ne ok ochwer e lowo, kama buru ne nyalo umee, to ne ochwer mana e lwanda lilo.

Kwan 25:6

Noyudo ja-Israel moro okelo nyar Midian e hembe ratiro ka Musa kod oganda duto neno, ka noyudo giywak e dho Hemb Romo.

Jo-Filipi 3:19

To notiekgi e giko, nimar igi e nyisechegi, kendo gisungore mana ni gik makelonigi wichkuot, bende giparo mana weche mag pinyni.