2 Samuel 16:21 - MUMA MALER 2015

²¹ Ahithofel nodwoke ni, “Dhi iriwri gi mond wuoru, ma noweyo mondo oritne dala. Bang’e jo-Israel duto biro winjo ni isetimo tim makuero momiyo wuoru ojok kodi. Mano biro jiwo chuny jogo duto ma luwi.”

Motingʼo Loko Manyien

²¹ Ahithofel nodwoke niya, “Terri gi monde wuonu mamoko mane oweyo karito dala ruoth. Eka jo-Israel nowinj kaka isebedo mangʼwe e um wuonu, kendo ji duto man kodi nobed gi teko.”

2 Samuel 16:21 ပူးပေါင်းရင်းမြစ်များ

Chakruok 34:30

Jakobo nowacho ni Simeon gi Lawi niya, “Usekelona chandruok, kendo usemiyo jo-Kanaan gi jo-Perizi ma weg pinyni mon koda. An mana gi ji manok kende, omiyo ka jo-pinyni oriwona, to ginyalo tieka kaachiel gi jooda duto.”

Chakruok 35:22

E kinde mane Israel odak e pinyno, Reuben noterore gi Bilha, ma achiel kuom mond wuon nare. Israel nowinjo wachno, mi iye owang’. Jakobo ne nigi yawuowi apar gariyo.

Chakruok 38:16

Nodhi ire e dir yo kama nobetie, mowachone ni, “Bi, adwari.” To ne ok ong’eyo ni en chi wuode. Tamar nopenje niya, “Ibiro miya ang’o, kiriwori koda?”

Chakruok 6:4

E ndalogo kod ndalo moluwo mano, ne nitie joma rabede miwuoro e piny, mane nyi dhano kod yawuot Nyasaye onywolo. Jogo ne thuondi kendo ne joma nigi huma e ndalo machon-go.

2 Samuel 10:6

Jo-Amon noneno ni gisemiyo Daudi ojok kodgi, omiyo ne giholo jolweny alufu piero ariyo kuom jo-Aram ma Beth-rehob, kod jo-Aram ma Zoba, kendo ne giwako ruoth Maaka kod joge alufu achiel kaachiel gi jo-Tob alufu apar gariyo.

2 Samuel 12:11

“Ruoth Nyasaye omedo wacho niya, ‘Abiro keloni thagruok mowuok mana e odi iwuon. Nakaw mondi, kendo namigi ng’at moro mana kineno, mi noterre kodgi e lela, godiechieng’.

2 Samuel 13:5

Mi Jonadab nowachone niya, “Dhi inind e kitandani, kiwuondori ni ituo. To ka wuoru obiro mondo oneni, to ikwaye niya, ‘Yie mondo Tamar nyamera obi, omiya chiemo. To iyiene mondo olos chiemono e nyima ka, kaneno, kendo achiem koting’ona chiemo e lwete.’ ”

2 Samuel 15:16

Omiyo Ruoth nowuok kaachiel gi joode duto, mak mana monde apar moko ema noweyo mondo orit ode.

2 Samuel 16:20

Absalom nowacho ni Ahithofel niya, “Ng’adnwae rieko; ere gima onego watim?”

2 Samuel 17:7

Hushai nodwoko Absalom niya, “Rieko ma Ahithofel ong’adono kawuono ok ber.

2 Samuel 2:7

Emomiyo koro beduru joma otegno, kendo ma jochir, nikech Saulo ruodhu osetho, kendo dhood Juda osewira abed ruodhgi.”

2 Samuel 20:3

Kane Daudi ochopo e ode Jerusalem, nokawo monde apar ma noweyo ka rito dala, mi noketogi e ot moro machielo, kama ne gibedo kiritogie. Nomiyogi chiemo, to ne ok oriwore kodgi kendo. Kamano noloronigi nyaka chieng’ thogi, ka gidak mana ka mond liete.

1 Ruodhi 11:25

Ne en jasik Israel ndalo duto mag Solomon.

1 Ruodhi 2:17

Nowacho niya, “Asayi, kwa ruoth Solomon mondo omiya Abishag nyar Shunam obed chiega, nikech ok onyal tami.”

1 Ruodhi 2:22

Ruoth Solomon nopenjo min mare ni, “Ang’o momiyo ikwaya mondo Abishag nyar Shunam obed chi Adonija? Chal ka gima ikwaya mana ni mondo amiye loch, nimar en owadwa maduong’, kendo Abiathar jadolo, gi Joab wuod Zeruya, jodokne.”

Tim jo-Lawi 18:8

Kik iterri gi chi wuoru, nikech kitimo kamano to ikuodo wi wuoru.

Tim jo-Lawi 20:11

Ng’at moterore gi chi wuon, oelo dug wuon mare. Giduto ji ariyogo, nyaka neggi kendo rembgi nodong’ e wigi.

Zekaria 8:13

Un jo-Juda kod jo-Israel, usebedo ranyisi malong’o ni ogendini mamoko duto kuom gima timore ni joma akuong’o, to koro abiro resou, mi ubed ranyisi mar gima timore ni joma aguedho. Kuom mano kik ubed maluor, to beduru gi chir.”

1 Jo-Korintho 5:1

Wachore malong’o ni wach terruok nie kindu, kendo en kit terruok ma ok nwang’ kata mana e kind joma ok oyie kuom Nyasaye, nikech ng’ato terore gi chi wuon!

1 Samuel 13:4

mi jo-Israel duto nowinjo ni Saulo osenego jatend jolweny mag jo-Filistia, kendo ni jo-Filistia ojok kodgi. Omiyo ne giwakore ir Saulo, mane oyudo ni Gilgal.

1 Samuel 27:12

To Akish nogeno Daudi, koparo niya, “Osemiyo jogi ma jo-Israel sin kode chuth, omiyo nobed ng’ata mosiko.”