2 Samuel 16:11 - MUMA MALER 2015

¹¹ Eka nomedo wacho ni Abishai kod joge duto niya, “Uneno ka wuoda manywolo ema dwaro nega. To ka kamano, koro ja-Benjaminni to didwar nega machal nadi! Weye okuong’a akuong’a kamano, nikech ruoth Nyasaye ema osechike.

Motingʼo Loko Manyien

¹¹ Daudi nowachone Abishai gi jodonge duto niya, “Ka wuoda, manywolo ema dwaro tieko ngimana, to kare ja-Benjamin-ni ditimna marach maromo nade! Wereuru kode odhi nyime gi kwongʼ nimar Jehova Nyasaye osenyise mondo otim kamano.

2 Samuel 16:11 ပူးပေါင်းရင်းမြစ်များ

Chakruok 15:4

Eka nochako owinjo dwond Ruoth Nyasaye, kawachone niya, “Ng’atno ok nocham mwanduni, to wuodi minywolo ema nochamgi.”

Chakruok 45:5

To kik uluor, kata kik une marach ni ne ung’iewa ku, nikech Nyasaye ema noora motelonu mondo ares ngimau.

2 Samuel 20:1

To ne nitie ja-Benjamin moro kanyo ma achach, ma nyinge Sheba wuod Bikri. Nogoyo tung’ kowacho niya, “Waonge wat gi Daudi! Ok wan libamba achiel gi wuod Jesse. Wan jo-Israel, wadoguru dala.”

2 Samuel 7:2

nowacho ni Nathan janabi niya, “Koro an adak e ot moger maber gi yiend sida, to Sanduk mar Nyasaye odak mana e hema.”

2 Ruodhi 19:37

To chieng’ moro, kane oyudo olemo e od Nisrok nyiseche, yawuote ma Adramalek gi Sharezer nobiro monege. Bang’e ne giringo, mi gidhi e piny Ararat, to Esarhadon nodoko ruoth kar Senakarib wuon mare.

2 Weche mag Ndalo 32:21

Eka Ruoth Nyasaye nooro malaika e kambi mar ruodh Asuria, motieko thuondi gi jodongo kod jotend jolweny duto. Omiyo nodok e pinye ka en gi wichkuot. To kane odonjo e od nyasache, yawuote moko nonege kanyo.

Zaburi 109:28

We gikuong’a akuong’a, to in yie iguedha. Mad lo wasika duto, to an jatichni mondo abed gi mor.

Ezekiel 14:9

“Ka gimoro owuondo janabi, mi owacho wach ma ok adier, to an Ruorh Nyasaye ema awuonde, omiyo abiro rieyo bada mondo atieke, oa kuom jo-Israel.

Ezekiel 20:25

Bang’e ne amiyogi buche maricho kod chike ma ok kel ngima.

Mathayo 10:21

“Ng’ato nondhog owadgi mondo onegi, kendo wuone nondhog nyithindgi. Nyithindo bende nolokre gi jonywolgi mi chiwgi mondo oneggi.

1 Samuel 26:19

Koro yie iwinj wachna. Kapo ni Ruoth Nyasaye ema othuwi koda, to mondo oyie kawo misango. To ka ji ema othuwi koda, to mondo okuong’gi e nying Ruoth Nyasaye, nikech gisegola tinende ni kik abed e oganda mar jo-Ruoth Nyasaye, kendo giseriemba mondo adhi ati ni nyiseche mamoko.