2 Samuel 16:1 - MUMA MALER 2015

¹ Noyudo Daudi oselor matin koa ewi got, eka Ziba jatich Mefibosheth noromone, ka nigi kenje ariyo moting’o makati mia ariyo, gi tombo mia achiel mag olemb mzabibu motwo, kod olembe moko mia achiel gi divai e ndede mar pien.

Motingʼo Loko Manyien

¹ Kane Daudi osewuotho matin koa ewi got, noyudo Ziba jarit mwandu mag Mefibosheth, karite mondo oromne. Ne osembo punde bwora motingʼo makati mia ariyo, gi olemb mzabibu mongʼin mag makati mia achiel gi olemb ngʼowu mongʼin bende mia achiel kod divai mool e dende.

2 Samuel 16:1 ပူးပေါင်းရင်းမြစ်များ

2 Samuel 15:30

To Daudi noidho got Zeituni ka ywak, koumo wiye, kendo ka en gi tiende nono. Ji duto mane ni kode bende noidho got koumo wigi, kendo ka ywak.

2 Samuel 15:32

Kane Daudi ochopo ewi got, kama nilamoe Nyasaye, Hushai ja-Arki nobiro romone, koyiecho lawe, kendo obuko wiye buru,

2 Samuel 19:17

Jo-Benjamin alufu achiel bende nobiro kode. Ziba jatich joka Saulo kod yawuote apar gabich gi wasumbni piero ariyo, noreto, mokwongo ni ruoth chopo Jordan,

2 Samuel 19:32

Ne en ng’at moti ahinya, ma jahigni piero aboro. En ema nokonyo ruoth gi chiemo, e kinde mane ruoth ni Mahanaim, nikech ne en jamoko.

1 Weche mag Ndalo 12:40

Bende joma nokiewo kodgi, chakre piny Isakar gi Zebulun kod Naftali nokelonigi chiemo mane giting’o gi kenje gi ngamia gi nyumbu kod ruedhi. Ne gin mogo gi olembe mag ng’owo gi mag mzabibu motwo mong’in kod divai gi mo, kaachiel gi dhok kod rombe mang’eny ahinya, nikech mor mane nitie e Israel.

Ngeche 18:16

Lwedo mabup ema yawo dhoot, kendo nyalo miyo ine kata mana ng’ama duong’.

Jeremia 40:10

An abiro dak Mizpa, kendo anabed jaoteu ka jo-Babulon obiro ka. To unyalo choko divai gi olemo kod mor zeituni mondo ukan, kendo udag e mier ma usekawo.”

Jeremia 40:12

Mano omiyo jo-Yahudi noa kuonde duto mane oseketgie, mi giduogo e piny Juda. Ne gidhi Mizpa ir Gedalia, kendo ne gichoko divai kod olemo mogundho.

Amos 8:1

Ruoth Nyasaye nokelona fweny machielo, mi anenoe atonga moting’o olemo.

Mika 7:1

A yaye! Koro achalo ng’ama kech kayo, mobiro pono olemo, to oyudo ka yath odong’ nono, ma onge olemo minyalo cham kata mana ng’owo mamitna manyak atamalo.

1 Samuel 10:3

Bang’ mano, inichop e yath maduong’ man Tabor, kama iniromie gi ji adek ma dhi lamo Nyasaye, ka achiel kuomgi oting’o nyidiek adek, to machielo oting’o makati adek, kendo moro oting’o ndede mar divai.

1 Samuel 16:20

Omiyo Jesse nokawo makati apar, gi ndede mar divai, kod nyadiel, moorogo Daudi wuode mondo oter ni Saulo.

1 Samuel 25:18

Kuom mano Abigail noreto, mokawo makati mia ariyo, gi ndede ariyo mag divai, gi rombe abich moseyang’, gi migerni abich mag chamb aloda, gi tombo mia achiel mag olemb mzabibu motwo mong’in, kod tombo mia ariyo mag olemb ng’owo mong’in moting’ogi gi kanje.