2 Samuel 15:30 - MUMA MALER 2015

³⁰ To Daudi noidho got Zeituni ka ywak, koumo wiye, kendo ka en gi tiende nono. Ji duto mane ni kode bende noidho got koumo wigi, kendo ka ywak.

Motingʼo Loko Manyien

³⁰ To Daudi nomedo wuotho ka twenyo got mar Zeituni kowuotho gi tiende nono, koumo wiye kendo oywak. Ji duto mane ni kode bende noumo wigi, to gin bende ne giywak ka gitwenyo got.

2 Samuel 15:30 ပူးပေါင်းရင်းမြစ်များ

2 Samuel 15:29

Omiyo Zadok gi Abiathar ne jodwoko Sanduk mar Nyasaye Jerusalem, mi gimedo dak kuno.

2 Samuel 19:4

Noyudo ruoth ogeng’o wang’e kendo ywak gi dwol maduong’ niya, “Yaye Absalom wuoda! Absalom wuoda, wuoda!”

2 Samuel 19:5

To Joab nodonjo ei ot ir ruoth, mowachone niya, “Kawuono jogi osereso ngimani, kaachiel gi ngima yawuoti gi nyigi kod mondi, to ikuodo wigi,

Zaburi 42:3

Aywak odiechieng gotieno, kendo pi wang’a kende e chiemba, nimar seche duto wasika penja niya, “Nyasachi nogo ni kanye?”

Zaburi 43:5

Ere gima omiyo chunya lit? Koso ang’o momiyo chunya parore? Anaket genona kuom Nyasaye, mi anachak apake kendo. En e jakonyna kendo Nyasacha.

Ezekiel 24:17

Chunyi to om aoma mos. Kik itim timbe mag ywak, kaka wuotho gi wich nono, kata wuotho gi tielo maonge wuoche. Bende kik ium dhogi, kata kik icham chiemo ma joywak chamo.”

Ezekiel 24:23

Bende ok unutim timbe ywak ma ji timo pile, kaka wuotho gi wich nono, kata wuotho gi tielo nono. Ok unuywagi, kendo pi wang’u ok nochuer. Dendu nodhi adhiya mosmos nikech richou, kendo unuywagru e chunyu, ng’ato ka ng’ato gi wadgi.

Zekaria 14:4

Chieng’no enochung’ e got Zeituni, ma omanyore gi Jerusalem yo wuok chieng’, kendo godno nobarre mi hoho maduong’, mochakore yo wuok chieng’ nyaka podho chieng’, poge ariyo. Bath got konchiel nodog yo nyandwat to bathe komachielo nodog yo milambo.

Mathayo 5:4

“Joma okuyo gin johawi, nikech nohogi.

Luka 19:29

kendo kane ochopo machiegni gi Bethfage kod Bethania e got miluongo ni got Zeituni, nooro jopuonjrene ariyo,

Luka 19:37

Yesu nochopo machiegni gi Jerusalem, kama yo lorgo kaa e got Zeituni, mi jopuonjre mang’eny nochako pako Nyasaye matek gi mor, nikech timbe madongo miwuoro mane giseneno.

Luka 19:41

Yesu nomedo chopo machiegni gi Jerusalem, kendo kane oneno dalano, ne oywage,

Luka 21:37

Pile Yesu ne puonjo e Hekalu godiechieng’, to gotieno ne odhi onindo e got miluongo ni got Zeituni.

Luka 22:39

Yesu nowuok, modhi e got Zeituni kaka ne otimo pile, kendo jopuonjrene bende nodhi kode.

Tich Joote 1:12

Bang’e joote nodok Jerusalem koa Got Zeituni, ma en kama bor ma dirom kilomita achiel gi Jerusalem.

Jo-Rumi 12:15

Beduru mamor gi joma mor, kendo ywaguru gi joma ywak.

1 Jo-Korintho 12:26

Ka fuonni achiel lit, to fuoni duto lit, kendo ka fuonni achiel omi duong’, to fuoni duto bedo mamor kaachiel kode.