2 Samuel 15:24 - MUMA MALER 2015

²⁴ Abiathar gi Zadok bende nobiro, kaachiel gi jo-Lawi duto koting’o Sandug Muma mar Nyasaye. Ne giyieyo Sanduk mar Nyasaye piny nyaka ji duto mane wuok Jerusalem okadho.

Motingʼo Loko Manyien

²⁴ Zadok bende ne ni kanyo to gi jo-Lawi duto mane ni kode notingʼo Sandug Muma mar singruok mar Nyasaye. Negiketo Sandug Muma mar singruok mar Nyasaye piny, eka Abiathar nochiwo misengini nyaka ji duto notieko wuok e dala maduongʼ.

2 Samuel 15:24 ပူးပေါင်းရင်းမြစ်များ

2 Samuel 15:27

Ruoth nomedo wacho ni Zadok jadolo niya, “Koro doguru dala gi kue, in gi Ahimaaz wuodi, kod Abiathar gi Jonathan wuode.

2 Samuel 15:35

Un gi Zadok gi Abiathar ma jadolo kuno. Wach moro amora miwinjo e od ruoth to inyis jodologo.

2 Samuel 20:25

Sheva ne jagoro, kendo Zadok gi Abiathar ne jodolo.

2 Samuel 6:13

Kane joma oting’o Sanduk mar Ruoth Nyasaye osewuotho ondamo auchiel, Daudi notimo misango gi rwath kod im machwe.

2 Samuel 8:17

Zadok wuod Ahitub, kod Ahimelek wuod Abiathar ne jodolo. Seraya to ne jagoro.

1 Ruodhi 1:8

To Zadok jadolo, gi Nathan janabi, gi Shimei, gi Rei, kod thuondi mag Daudi ne ok odokne.

1 Ruodhi 2:26

To ruoth nowacho ni Abiathar jadolo niya, “In to dog Anathoth dalau. Owinjore itho, to kata kamano koro ok nanegi, nikech niting’o Sanduk mar Ruoth Nyasaye e nyim Daudi wuora, kendo nineno chandruok kaachiel kode.”

1 Ruodhi 2:35

Ruoth noketo Benaya wuod Jehoyada jatend jolweny kar Joab, to Zadok jadolo noketo kar Abiathar.

1 Weche mag Ndalo 15:2

Eka nochiko ni onge ng’at moro ma nyalo ting’o Sanduk mar Nyasaye mak mana jo-Lawi kende nimar gin ema ne Nyasaye oyierogi mondo giting’e, kendo gitine nyaka chieng’.

Ezekiel 48:11

Lowono nobed mar jodolo ma nyikwa Zadok. Ne gitiyona maber, mi ok giriwore gi jo-Israel mamoko kuom timo richo kaka jo-Lawi mamoko notimo.

Kwan 4:15

Pile ka kambi dar, to joka Kohath nyaka bi mondo oting’ Hema Maler kod gige duto. To kik gibi ka pok Harun gi yawuote otieko umogi, bende kik gimul gimoro amora maler, nono to githo. Mago duto gin gik Hemb Romo ma joka Kohath ema ting’o.

Kwan 7:9

To joka Kohath ne ok omiyo gimoro, nikech tich mane omigi ne mar ting’o gik maler, mane nyaka ting’ mana e gokgi.

Joshua 3:3

ka ginyiso ji niya, “Kuneno ka jo-Lawi ma jodolo otelo e nyimu koting’o Sandug Muma mar Ruoth Nyasachu, eka un bende unuchak wuoth kuluwo Sanduk.

Joshua 3:6

Eka nowacho ni jodolo niya, “Ting’uru Sandug Muma, kendo utel ni ji.” Mi ne gitimo kamano.

Joshua 6:4

Jodolo abiriyo nyaka dhi e nyim Sandug Muma, koting’ tunge abiriyo molos gi tunge imbe. To chieng’ mar abiriyo nyaka ilwor dala gi jogi mag lweny nyadibiriyo, ka jodolo goyo tungegi.

Joshua 6:6

Omiyo Joshua wuod Nun nolwongo jodolo, mowachonigi niya, “Ting’uru Sandug Muma mar Ruoth Nyasaye, to ji abiriyo kuomu mondo otel e nyime, koting’o tunge abiriyo molos gi tunge imbe.”

1 Samuel 22:20

To wuod Ahimelek achiel ma nyinge Abiathar, notony, moringo odhi ir Daudi,

1 Samuel 4:11

Sanduk mar Nyasaye nokaw, kendo Hofni gi Finehas, ma yawuot Eli, bende nonegi.