2 Samuel 15:23 - MUMA MALER 2015

²³ Jopinyno duto noywak ka ji kadho. To ruoth nochung’ e aora Kidron, ka ji duto kadho nyime, kochiko yo thim.

Motingʼo Loko Manyien

²³ Ji duto mane ni kama gikadhoe noywak matek ka jogo duto kadho. Ruoth bende ne ongʼado Holo mar Kidron kendo ji duto nowuotho kochomo yo thim.

2 Samuel 15:23 ပူးပေါင်းရင်းမြစ်များ

2 Samuel 15:22

Omiyo Daudi nowachone niya, “Ara, dhi nyime.” Mi Itai ja-Giti nokadho, kaachiel gi joge duto.

2 Samuel 15:28

To an abiro bet kama iyorogo aora e thim, nyaka ayud wach moa kuomi.”

2 Samuel 16:2

Ruoth nopenjo Ziba niya, “Marang’o ikelo gigi?” Ziba nodwoke niya, “Akelo kenje mondo jood ruoth oidhi, kendo makati gi olembe mondo jolweny ocham, to divai mondo joma nong’no ohewo e thim omadhi.”

1 Ruodhi 15:13

Bende nogolo Maaka e duong’ne mar bedo min ruoth, nikech noloso kido makuero, maket gi nyasaye madhako miluongo ni Ashera. Asa nomuko gima ketno, mowang’o e dho aora Kidron.

1 Ruodhi 2:37

nikech chieng’ ma iniwuogie, king’ado aora Kidron, to bed king’eyo ni nonegi. To rembi nodong’ e wiyi iwuon.”

2 Weche mag Ndalo 29:16

Jodolo nodonjo e ot ma iye mar Hekalu mondo gilosi. Ne gigolo chilo duto mane giyudo e Od Ruoth Nyasaye, mi giketo e laru mar Hekalu, eka jo-Lawi nokawo chilono, motero e aora Kidron.

Jeremia 31:40

To holo duto kama owitie ringre joma otho, kendo owitie yugi, nobed kama ler moyangna, kaachiel gi pewe duto manie geng aora Kidron nyaka ranga Farese, koma ochomo yo wuok chieng’. Dala Jerusalem ok nochak omuki, bende ok nochak okethe.”

Mathayo 3:1

E ndalogo, Johana Jabatiso nobiro kalando wach e thim Judea.

Mathayo 3:3

Johana e jal mane janabi Isaya owuoyo kuome, kowacho ni, “Ng’at moro kok e thim niya, ‘Losuru yo ni Ruoth! Losneuru yo moriere tir.’ ”

Luka 1:80

Nyathi ma Johana nodongo, modoko motegno e chunye, kendo nodak e thim nyaka nochopo chieng’ mane owuok, monyisoree ratiro e nyim jo-Israel.

Johana 18:1

Kane Yesu osewacho wechego, nowuok modhi gi jopuonjrene e puodho moro, loka aora Kidron.

Jo-Rumi 12:15

Beduru mamor gi joma mor, kendo ywaguru gi joma ywak.