2 Samuel 15:21 - MUMA MALER 2015

²¹ To Itai nodwoko ruoth niya, “Gi nying Ruoth Nyasaye, kendo gi nyingi iwuon, kamoro amora midhiye, kanyo ema an bende nabedie, kata e tho, kata e ngima.”

Motingʼo Loko Manyien

²¹ To Itai nodwoko ruoth niya, “Akwongʼora gi nying Jehova Nyasaye mangima kendo akwongʼora ni ruodha ma en ruoth ni kamoro amora ma ruodha ma en ruoth nobedie, bed ni en kar ngima kata kar tho, to kanyo bende ema jatichni nobedie.”

2 Samuel 15:21 ပူးပေါင်းရင်းမြစ်များ

2 Samuel 15:22

Omiyo Daudi nowachone niya, “Ara, dhi nyime.” Mi Itai ja-Giti nokadho, kaachiel gi joge duto.

2 Ruodhi 2:2

Elija nowacho ni Elisha niya, “Yie idong’ ka, nikech Ruoth Nyasaye oora nyaka Bethel.” To Elisha nodwoke ni, “Gi nying Ruoth Nyasaye, kendo gi nyingi iwuon, ok naweyi.” Omiyo ne gidhi nyaka Bethel.

2 Ruodhi 2:4

Elija nowacho ni Elisha niya, “Yie idong’ ka, nikech Ruoth Nyasaye oora nyaka Jeriko.” To nodwoke niya, “Gi nying Ruoth Nyasaye, kendo gi nyingi iwuon, ok naweyi.” Omiyo ne gidhi nyaka Jeriko.

2 Ruodhi 2:6

Eka Elija nowachone niya, “Yie idong’ ka, nikech Ruoth Nyasaye oora nyaka aora Jordan.” To nodwoke niya, “Gi nying Ruoth Nyasaye, kendo gi nyingi iwuon, ok naweyi.” Omiyo ji ariyogo nodhi adhiya.

2 Ruodhi 4:30

To min nyathi nowachone niya, “Gi nying Ruoth Nyasaye, kendo gi nyingi iwuon, ok naweyi.” Omiyo Elisha nochung’ modhi kode.

Ngeche 17:17

En adier ni osiepni nyalo heri kinde duto, to owadu ema konyi e chandruok.

Ngeche 18:24

Osiepe moko beyo mana kuom mbekni manono. Osiep maber to nyalo geni moloyo kata mana owadu monywoligo.

Tich Joote 11:23

Kane ochopo kuno, mi oneno kaka Nyasaye oseguedho ji, ne odoko mamor, mi ojiwogi giduto, mondo giket chunygi kuom Ruoth, kendo gipadre kuome.

Tich Joote 21:13

To Paulo nodwokowa niya, “Utimo ang’o, kuywak kendo utemo mondo uneg chunya? An aseikora mondo otueya, kata mondo atho Jerusalem nikech nying Ruoth Yesu!”

2 Jo-Korintho 7:3

Ok awach kamano mondo ang’adnugo bura, nikech asewacho ni waketou e chunywa maiye, kendo wariwore kodu kaachiel pile, bed ni wangima kata watho.

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.