2 Samuel 14:22 - MUMA MALER 2015

²² Joab nokulore piny, komiyo ruoth duong’, kendo nodende. Nowacho niya, “Ruoth, tinendeni ang’eyo ni iyie koda, nikech isetimona gima akwayo.”

Motingʼo Loko Manyien

²² Joab nopodho piny auma e nyime mondo omiye duongʼ, kendo nogwedho ruoth. Joab nowacho niya, “Kawuononi jatichni ongʼeyo ni ogene gi ruodha ma en ruoth, nikech ruoth oseyie timo gima jatichne okwaye.”

2 Samuel 14:22 ပူးပေါင်းရင်းမြစ်များ

Chakruok 47:7

Bang’ mano, Josef nokelo Jakobo wuon mare e nyim Farao, mi Jakobo nogwedho Farao.

Chakruok 6:8

To Nowa e mane Ruoth Nyasaye morgo.

2 Samuel 14:21

Bang’e ruoth nowacho ni Joab niya, “Koro ayie wachni. Dhiyo, iom rawera ma Absalom.”

2 Samuel 14:23

Mi Joab nodhi Geshur omo Absalom, mokele Jerusalem.

2 Samuel 14:4

Kane chi Tekoano obiro ir ruoth, nogoyo chonge piny, nyaka e lowo, komiye duong’ mowacho niya, “Ruoth, konya.”

2 Samuel 19:39

Ji duto nong’ado aora Jordan, to ruoth nodong’, ka goyo ni Barzilai oriti. Nonyodhe kendo oguedhe, eka Barzilai nodok dalane.

Nehemia 11:2

kendo ji duto nogoyo erokamano ni joma nochiwore mondo odag Jerusalem.

Ayub 29:11

Ng’ato ka ng’ato mane owinjo wechena ne bedo mamor, kendo joma ne onena ne pako gik ma asetimo,

Ayub 31:20

to ne amiye lewni molos gi yie romba awuon, mi opaka gi chunye duto.

Ngeche 31:28

Nyithinde goyone erokamano. Chwore bende pake, ka wacho niya,

Ruth 2:2

Chieng’ moro Ruth nyar Moab nowacho ni Naomi niya, “Yiena adhi mondo ahul cham bang’ ng’ato ang’ata moyie kecha.” Nodwoke niya, “Dhiyo, nyara.”

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”