2 Samuel 14:2 - MUMA MALER 2015

² Omiyo nooro jaote Tekoa, moomone dhako moro mariek kuno. Joab nowacho ni dhakono niya, “Rwakri gi lep ywak, mondo iwuondri ka ng’ama ywago ng’ama otho. Kik iwirri gi mo, to chal dhako moseywago ng’ama otho kuom ndalo mang’eny.

Motingʼo Loko Manyien

² Omiyo Joab nooro ngʼat moro Tekoa mi okelne dhako moro mariek koa kuno. Nowachone niya, “Wuondri ni ikuyo. Rwak lep ywak kendo kik iwirri gi mo del. Chal ka dhako mosebet ka ywago ngʼate motho kuom ndalo mangʼeny.

2 Samuel 14:2 ပူးပေါင်းရင်းမြစ်များ

Chakruok 38:19

Tamar nodok dala mi nolonyo nanga ma noumogo wang’e kendo nochako orwako lepe mag chola.

2 Samuel 11:26

Kane chi Uria owinjo ni Uria osetho, noywage.

2 Samuel 12:20

To Daudi noa malo mi olwokore, kendo owirore gi mo, moloko lepe. Eka nodonjo e Od Ruoth Nyasaye, molemo. Bang’e nodok e ode, mokwayo mondo okelne chiemo.

2 Samuel 20:16

To dhako moro mariek mane nie dalano, nokok matek niya, “Uwinjo! Nyisuru Joab obi ka, mondo alos kode.”

2 Samuel 23:26

gi Helez ja-Palti, gi Ira wuod Ikesh ja-Tekoa,

1 Ruodhi 14:2

Jeroboam nowacho ni chiege niya, “Lok kiti, mondo kik ng’ato ng’e ni in chiega, kendo idhi Shilo ir Ahija janabi ma nokoro ni an ema nabed ruodh pinyni.

1 Ruodhi 14:5

Ruoth Nyasaye nowacho ni Ahija niya, “Ng’e ni chi Jeroboam biro iri mondo openji wach wuode, nikech wuode tuo.” Eka Ruoth Nyasaye nonyiso Ahija kaka onego owuo kod dhakono. Kane chi Jeroboam ochopo, nowuondore ni en dhako moro nono.

2 Weche mag Ndalo 11:6

Nogero Bethlehem, Etam, Tekoa,

2 Weche mag Ndalo 20:20

Jo-Juda ne ochiew gokinyi mang’ich mondo odhi e thim Tekoa, to kane gidhi, Jehoshafat nochung’ mowachonigi niya, “Winjuru un jo-Juda gi joma odak Jerusalem! Genuru kuom Ruoth Nyasaye ma Nyasachu, mi unukwo, kendo genuru kuom jonabi mage, mi unulo.”

Nehemia 3:27

E dir Pedaya, jo-Tekoa nochako ogero migawo machielo, chakre kama omanyore gi kama duong’ moger mabor mar ng’icho mowuok okono nyaka ohinga mar Ofel.

Nehemia 3:5

to e dir Zadok to Tekoa ema nogedoe. To jodonggi ne ok oyie tiyo tich mane ruoth omiyogi.

Zaburi 104:15

eka oyud divai ma miye mor, kod mor zeituni mamiyo obedo mail, kaachiel gi kuon mamiyo obedo motegno.

Eklesiastes 9:8

Pile onego irwakri maber, kendo ibed mamor.

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Amos 1:1

Magi e weche Amos, mane achiel kuom jokwath ma nodak Tekoa. Nyasaye nofwenyone wechegi higni ariyo ka pok yiengni piny obetie, ka Uzia e ruodh Juda, to Jeroboam wuod Joash e ruodh Israel.

Mathayo 6:17

To in, kitueyo chiemo, to los alosa wiyi kendo ilwok wang’i kaka pile,

Ruth 3:3

Omiyo lwokri, kendo iwirri gi mo. Rwak lepi mabeyo, ilor idhi kuno. To kik iwe ong’eyi, ka pok ochiemo kendo ometho.