2 Samuel 14:19 - MUMA MALER 2015

¹⁹ Ruoth nopenje ni, “Joab ni kodi e wachni koso?” Nodwoke niya, “Ruoth, akuong’ora gi nyingi ni onge ng’at ma nyalo mbalore ni weche misewacho. Adier, Joab jatichni ema nonyisa wechego duto mondo awachni.

Motingʼo Loko Manyien

¹⁹ Ruoth nopenje niya, “Donge Joab ni kodi e wechegi duto?” Dhakono nodwoke niya, “Akwongʼora e nyimi ni in ruodha ma en ruoth kendo ni gima iwachono en adier. Ee, ne en jatichni Joab mane onyisa mondo atim ma kendo en bende ema noketo wechegi e dho jatichni.

2 Samuel 14:19 ပူးပေါင်းရင်းမြစ်များ

2 Samuel 11:11

To Uria nodwoke niya, “Sandug Muma kod jo-Israel gi jo-Juda odak mana e hembe, kendo Joab ma jatendwa gi jodongi mag lweny bende jojot oko e pap. Koro ere kaka an dadonj e oda machiem kendo amethi, kendo anind gi chiega? Akuong’ora gi nyingi, ni ok natim kamano!”

2 Samuel 14:18

Ruoth nowacho ni dhakono niya, “Kik ipanda gimoro kuom wach madwaro penjini” Dhakono nodwoke ni, “Ruoth, wachi.”

2 Samuel 14:3

Mi idhi ir ruoth, kendo iwachne weche ma abiro nyisigi.” Eka Joab nopuonje weche modhi wacho.

2 Samuel 18:13

Ka da ahinye, ruoth dowinjo, nikech onge wach ma nyalo mung’ore ni ruoth, to in ok diresa!”

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

2 Samuel 3:29

Rembe mondo obed ewi Joab, kendo kuom dhoode duto. E dhood Joab nyaka bedie ng’ama rembe chuer, kata ng’ama jadhoho, kata ng’at modere, kata ng’ama ochando chiemo!”

2 Samuel 3:34

Lweti ne ok otue, kata tiendi ne ok omaki gi ratege. To nitho mana kaka ng’ato tho e lwet joma richo!” Bang’e ji duto nomedo ywage.

2 Ruodhi 2:2

Elija nowacho ni Elisha niya, “Yie idong’ ka, nikech Ruoth Nyasaye oora nyaka Bethel.” To Elisha nodwoke ni, “Gi nying Ruoth Nyasaye, kendo gi nyingi iwuon, ok naweyi.” Omiyo ne gidhi nyaka Bethel.

Wuok 4:15

En ema iwuo kode, kinyise gima onego owachi. Abiro konyou wuoyo, kendo nyisou gima onego utim.

Ngeche 25:2

Wamiyo Nyasaye duong’ kuom gik ma opando. Ruodhi to wamiyo duong’ kuom lero tiend weche.

Ngeche 4:27

Tang’ ni richo, kendo kik iwe yo makare, kibaro koracham kata korachwich.

Kwan 20:17

Wakwayi ni yie wakadhi e pinyi. Ok wananyon puotheu mag cham kata mag mzabibu, kendo ok wanamodh e sokniu. Wanaluw mana Ndach Ruoth, kendo ok wanabar korachwich kata koracham nyaka wakadh pinyi.”

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Rapar mar Chik 28:14

kendo ka ok utamoru chikego mi udagi lamo nyiseche mamoko, to Ruoth Nyasaye biro ketou jotelo, to ok joma itelonigi. Kamano ubiro dhi nyime maber, kendo ok nudog chien.

Rapar mar Chik 5:32

“Ruoth Nyasaye ma Nyasachu osemiyou chikegi, omiyo ritgiuru maber.

Joshua 1:7

To bed mana gi chir, kendo gi jing’o, kiluwo chik duto mane Musa jatichna omiyi. Kik iwe chikno, kibaro koracham kata korachwich, mi inibed gi hawi kuonde duto midhiye.

1 Samuel 1:26

mowacho niya, “A jaduong’, an e dhako mane ochung’ kalamo Ruoth Nyasaye cha.

1 Samuel 17:55

Kane Saulo oneno Daudi kadhi kedo gi ja-Filistia, nopenjo Abner jatend jolweny niya, “Abner, wuowino en wuod ng’a?” Abner nodwoke ni, “Ruoth, ok ang’eye ngang’.”

1 Samuel 20:3

To Daudi nowachone, koramo niya, “Wuoru ong’eyo ni igena ahinya, omiyo ok odwar mondo ing’e wachni, nimar dipo ka obedoni malit. To adier, gi nying Ruoth Nyasaye, kendo gi nyingi iwuon, ondamo achiel kende ema nie kinda gi tho.”

1 Samuel 25:26

Emomiyo koro ruoth, Ruoth Nyasaye osegeng’i mondo kik ichuer remo, kichulo kuor gi lweti iwuon. Gi nying Ruoth Nyasaye, kendo gi nyingi iwuon, wasiki duto kod jogo duto ma dwaro timoni marach mondo obed kaka Nabal.