2 Samuel 14:17 - MUMA MALER 2015

¹⁷ Bende naparo niya, ‘Wach ruoth ema nyalo miya kue, nikech ruoth chalo malaika mar Nyasaye mapogo gima ber gi gima rach.’ Ruoth Nyasaye ma Nyasachi mondo obed kodi.”

Motingʼo Loko Manyien

¹⁷ “To koro sani jatichni wacho ni, ‘Mad wach ruodha kelna kwe, nimar ruodha ma en ruoth chal gi malaika mar Nyasaye manono ber gi rach. Mad Jehova Nyasaye ma Nyasachi bed kodi.’ ”

2 Samuel 14:17 ပူးပေါင်းရင်းမြစ်များ

2 Samuel 14:18

Ruoth nowacho ni dhakono niya, “Kik ipanda gimoro kuom wach madwaro penjini” Dhakono nodwoke ni, “Ruoth, wachi.”

2 Samuel 14:20

Notimo kamano ni mondo gik mosetimore olokre. To ruoth, in gi rieko machalo mar malaika mar Nyasaye ming’eyogo gik moko duto matimore e piny.”

2 Samuel 19:27

to jatichnano nothuwa kodi, omiyo naluoro biro. To ruoth ichalo kaka malaika mar Nyasaye, emomiyo tim gima ineno ni ber,

2 Samuel 19:28

nikech joodwa duto nowinjore gi tho e lweti, to kata kamano niyiera mondo abed achiel kuom joma chiemo kodi. Koro ere gima chielo ma damed kwayi?”

1 Ruodhi 3:28

Jo-Israel duto nowinjo bura mane ruoth ong’ado, mi ne giluore, nikech ne gineno ni rieko Nyasaye ni kuome, ka konye ng’ado bura makare.

1 Ruodhi 3:9

Emomiyo yie imiya chuny mariek, manyalo yango gima ber gi gima rach, mondo ang’adgo ni jogi bura, nikech ere ng’ama dinyal ng’ado bura ni jogi mang’enygi?”

Ayub 6:30

Un pod uparo ni ariambo ariamba, kendo uparo ni ok ang’eyo pogo gima ber gi gima rach!

Ngeche 27:21

Mach ema itemogo dhahabu kod fedha. Chuny dhano to itemo gi pak.

Ngeche 29:5

Ng’at ma pero wadgi chiko obadho mana ni en owuon.

Jo-Hibrania 5:14

Joma dongo to chamo chiemo motegno, nikech gisepuonjore, mi ging’eyo pogo gik mabeyo gi gik maricho.

Joshua 1:17

Wanawinji kaka ne wawinjo Musa, to Nyasaye mondo obed kodi kaka nobedo gi Musa!

1 Samuel 29:9

Akish nodwoke niya, “Ang’eyo ni isebedona jaadiera, mana kaka malaika mar Nyasaye, to kata kamano jotend jo-Filistia osedagi ni kik idhi kodgi e lweny.