2 Samuel 14:11 - MUMA MALER 2015

¹¹ Dhakono nomedo wacho niya, “Ruoth, akwayi mondo ikuong’rina e nying Ruoth Nyasaye ma Nyasachi, ni jachul kuor kik med ketho, konego wuoda.” Ruoth nodwoke ni, “Gi nying Ruoth Nyasaye, kata yie wi wuodi achiel ok nolwar piny.”

Motingʼo Loko Manyien

¹¹ Nowacho niya, “Kara koro ruoth osingre gi nying Jehova Nyasaye ni odhi tamo jachul kuor mondo kik omed ketho kendo mondo wuoda kik negi.” Nowacho niya, “Akwongʼora gi nying Jehova Nyasaye mangima ni onge yie wi wuodi kata achiel manolwar piny.”

2 Samuel 14:11 ပူးပေါင်းရင်းမြစ်များ

Chakruok 14:22

To Abram nodwoke niya, “Akuong’ora gi nying Ruoth Nyasaye, ma Nyasaye Maduong’ Moloyo, kendo ma Jachuech polo gi piny,

Chakruok 31:50

Laban nomedo wacho niya, “Kapo ni ithago nyiga, kata ka ikendo mon moko ka onge janeno, to ng’e ni Nyasaye e janeno e kindwa kodi.”

2 Samuel 14:10

Omiyo ruoth nowachone niya, “Ka ng’ato omedo wachoni gimoro, to kele ira, mi ok nochak ochandi kendo!”

2 Samuel 14:12

Eka dhakono nowacho niya, “Asayi ruoth, yie mondo amed wachoni wach achiel kende.” Ruoth nokone ni, “Wachi.”

2 Samuel 14:21

Bang’e ruoth nowacho ni Joab niya, “Koro ayie wachni. Dhiyo, iom rawera ma Absalom.”

1 Ruodhi 1:52

Solomon nowacho ni, “Ka timbene nonyiswa ni en ng’ama kare, to onge kata yie wiye achiel ma nolwar piny. To ka noyud kuome ketho moro, to nonege!”

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Kwan 35:19

Owadgi ng’at monegno nyaka neg janekno koyudo mondo ochulne kuor.

Kwan 35:21

kata kogoye adhong’, motho, to nyaka nege, nikech en janek. Owadgi ng’at monegno nyaka neg janekno, koyude.

Kwan 35:27

mi owadgi ng’at mane onego cha oyude monege, to owadgi ng’at mane onegono onge gi ketho.

Mathayo 10:30

To un kata mana yie wiu duto bende osekwan!

Tich Joote 27:34

Omiyo koro akwayou ni mondo uchiem, uyud teko, nikech kata mana yie wiu achiel ok nolal.”

1 Samuel 14:45

To ji duto nowacho ni Saulo niya, “Bende Jonathan nyalo tho adier, to en ema osekelo konyruok maduong’ kama e Israel? Ngang’! Gi nying Ruoth Nyasaye, kata mana yie wiye achiel ok nolwar piny, nikech Nyasaye ema osekonye timo tich mosetimo kawuononi.” Kamano ji nowaro Jonathan mondo kik tho.

1 Samuel 20:42

Jonathan nowacho ni Daudi niya, “Dhiyo gi kue. Wasesingore e nying Ruoth Nyasaye mobedo janeno e kindwa kodi, kendo e kind nyikwaya gi nyikwayi nyaka chieng’.” Eka Daudi nochung’, modhi, to Jonathan nodok dala.

1 Samuel 28:10

To Saulo nokuong’ore, kawachone ni, “Gi nying Ruoth Nyasaye, onge bura ma noyudi kuom wachnii.”