2 Samuel 13:4 - MUMA MALER 2015

⁴ Nopenjo Amnon niya, “Wuod ruoth, idhero nadi ndalogi? Dak inyisa gimomiyo?” Amnon nodwoke niya, “Ahero Tamar ma nyamin Absalom owadwa.”

Motingʼo Loko Manyien

⁴ Nopenjo Amnon niya, “Yaye wuod ruoth, angʼo momiyo inenori mokuyo pile ka pile? Ok diwachna gima timi?” Amnon nodwoke niya, “Ahero Tamar ma nyamin owadwa Abisalom.”

2 Samuel 13:4 ပူးပေါင်းရင်းမြစ်များ

2 Samuel 13:3

To Amnon ne nigi osiepne moro ma rieke ng’eny ahinya, ma nyinge Jonadab, wuod Shimea owadgi Daudi.

2 Samuel 13:5

Mi Jonadab nowachone niya, “Dhi inind e kitandani, kiwuondori ni ituo. To ka wuoru obiro mondo oneni, to ikwaye niya, ‘Yie mondo Tamar nyamera obi, omiya chiemo. To iyiene mondo olos chiemono e nyima ka, kaneno, kendo achiem koting’ona chiemo e lwete.’ ”

1 Ruodhi 21:5

Jezebel chiege nodhi ire, mopenje niya, “Ang’o momiyo ikuyo, kendo idagi chiemo?”

1 Ruodhi 21:7

Jezebel chiege nowachone ni, “Donge inie ruodh Israel? A malo, ichiem kendo ibed mamor. Abiro miyi puoth mzabibu mar Naboth ja-Jezreel.”

Isaya 3:9

Wang’gi ema nyiso ni gin joricho, kendo gihulo richogi ahula ma ok gipando, mana ka jo-Sodom. Yaye, mano kaka ginine masira, nikech giniyud pok mowinjore gi timbegi maricho.

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Tim jo-Lawi 18:9

Kik iterri gi nyameru hie, kata gi nyameru ma ng’at machielo onywolo, bed ni onywole dala kata kamoro machielo.

Tim jo-Lawi 20:17

“Ka ng’ato okawo nyamin mare ma nyar wuon kata ma nyar min, mi giterore, to mano en wichkuot marach. Nyaka neggi ka ji duto neno. Ng’atno oseterore gi nyamin, omiyo nyaka kume.

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.