2 Samuel 13:26 - MUMA MALER 2015

²⁶ Eka Absalom nowachone niya, “Ka ok iyie biro, to we mondo wadhi gi Amnon owadwa.” Ruoth nodwoke niya, “Ere gimomiyo dodhi kodu?”

Motingʼo Loko Manyien

²⁶ Eka Abisalom nowacho niya, “Kare ka kamano to we owadwa Amnon odhi kodwa.” To ruoth nopenje niya, “Angʼo momiyo dodhi kodu?”

2 Samuel 13:26 ပူးပေါင်းရင်းမြစ်များ

2 Samuel 13:25

To ruoth nodwoke niya, “Ooyo wuoda, ok onego wabi waduto, dipo ka wamiyi ting’ mapek.” Absalom nosaye, to kata kamano ne ok oyie dhi, to nogoyone mana oriti.

2 Samuel 13:27

To Absalom nomienore nyaka oyie ni mondo Amnon gi owetene duto odhi.

2 Samuel 20:9

Nomoso Amasa, kopenje niya, “In nadi, omera?” Eka nomako yie tik Amasa gi lwete ma korachwich mondo onyodhe.

2 Samuel 3:27

Kane Abner oduogo Hebron, Joab nobaro kode but rangach, ka gima odwaro wuoyo kode ling’ling’, mi nochwowo bund iye, monege, kochulo kuor nikech remb Asahel owadgi.

Zaburi 55:21

En jambola, to chunye opong’ gi sigu. Adier, wechene yom ka mo, to kara gibitho mana ka ligangla mowuodhi e olalo!

Ngeche 26:24

Jasigu nyalo wuoyo kodi mamit gi dhoge, to chutho chunye maiye wuondi awuonda.

Jeremia 9:7

“Kuom mano, an Ruoth Nyasaye Manyalo Gik Moko Duto awacho ni abiro pwodho joga, ka ng’at malenyo mula mondo ogol ng’iende. Joga osetimo richo, koro ere gima datimnigi?