2 Samuel 13:19 - MUMA MALER 2015

¹⁹ Tamar nobuko wiye gi buru, moyiecho lawe ma bade boyo ma norwako, kendo nodhi koywak, komako wiye.

Motingʼo Loko Manyien

¹⁹ Tamar noolo buru e wiye mi noyiecho lawe manyilni mane otwangʼ maber mane oyudo orwako. Nomako wiye gi lwete kendo nodhi koywak matek.

2 Samuel 13:19 ပူးပေါင်းရင်းမြစ်များ

Chakruok 37:29

Kane Reuben odok limo bugono, ma ok oyudo Josef, noyiecho lepe.

2 Samuel 1:11

Kane Daudi owinjo wachno, noyiecho lepe owuon, kendo ji duto mane ni kode bende notimo kamano.

2 Samuel 1:2

Chieng’ mar adek ka Saulo osetho, ng’at moro nobiro moa e lweny koyiecho lepe, kendo obuko wiye buru. Kane ochopo ir Daudi, nokulore piny, komiye duong’.

2 Samuel 13:20

Absalom owadgi nopenje niya, “Amnon owadu osetimoni gimoro koso? Bed gi kue nyamera, nikech en owadu. Wachno kik chand chunyi.” To Tamar nodak e od Absalom owadgi, kotamore hore.

Ayub 2:12

Kane gikwongo nene, kapod gin mabor kode, ne ok ginyal ng’eye. To kane ging’eye, ne gichako ywak malit, mi giyiecho lepgi kendo gibuko wigi buru.

Ayub 42:6

Omiyo wiya okuot kuom gigo duto ma asewacho kendo achara kenda awuon, ka abet e lowo gi buru.”

Jeremia 2:37

Ubiro a e piny Misri, ka uduto umako wiu nikech wichkuot. An Ruoth Nyasaye asedagi joma ugeno kuomgi, kendo ok ginikonyu ngang’.”

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.

1 Samuel 4:12

Ja-Benjamin moro noringo oa e lweny, mobiro Shilo chieng’onogo, koyiecho lepe, kendo obuko wiye buru.