2 Samuel 13:12 - MUMA MALER 2015

¹² En to nokwere ni, “Ooyo owadwa, kik ikuod wiya. Jo-Israel ok tim gima kamano. Kik itim gima ofuwoni.

Motingʼo Loko Manyien

¹² En to nodwoke niya, “Kik itim gima kama, owadwa. Kik ichuna. Gima kama ok onego timre e Israel! Kik itim tim marachni.

2 Samuel 13:12 ပူးပေါင်းရင်းမြစ်များ

Chakruok 34:2

Shekem wuod Hamor ma ja-Hivi mane ruodh pinyno nonene, mokawe kendo noriwore kode, mokethe.

Ngeche 7:7

ne aneno yawuowi moko mapok otegno, to e kindgi ne nitie wuowi moro ma onge gi rieko kata matin.

Jeremia 29:23

Mano e gima biro timorenigi nikech ne gilokore joma ofuwo, ka giterore, kendo giwacho miriambo e nyinga, to ne ok amiyogi wach mondo gihul. Ang’eyo gima gisetimo, kendo asebedo janeno kuom timbegi. An Ruoth Nyasaye ema awacho kamano.’ ”

Tim jo-Lawi 18:11

Kik iterri gi nyameru ma ot machielo. En nyameru, omiyo kik ikuod wiye.

Tim jo-Lawi 18:9

Kik iterri gi nyameru hie, kata gi nyameru ma ng’at machielo onywolo, bed ni onywole dala kata kamoro machielo.

Tim jo-Lawi 20:17

“Ka ng’ato okawo nyamin mare ma nyar wuon kata ma nyar min, mi giterore, to mano en wichkuot marach. Nyaka neggi ka ji duto neno. Ng’atno oseterore gi nyamin, omiyo nyaka kume.

Rapar mar Chik 22:21

to nyaka tere e dhood wuon mare, kendo jodalagi nogoye gi kite nyaka otho nimar osekelo wichkuot e piny Israel kochodo ka pod en e dala wuon. Mano e kaka unupwodhru kuom richo ma kamano.

Rapar mar Chik 22:29

to nyaka ng’atno chul wuon nyako pesa moromo fedha piero abich. To bende nyaka okend nyakono, nikech osemiye wichkuot, kendo ok onyal riembe nyaka chieng’.

Jong’ad Bura 19:23

To jaduong’no nodwoko, mowacho niya, “Ooyo jowadwa, kik utim gima achach marach kamano, nikech ng’atni wendona.

Jong’ad Bura 20:6

Bang’e nakawo ringre, mi apogo kidienje kidienje, kendo naoro sidienjego e piny Israel duto, nikech jogo osetimo tim mochido kendo makuero e Israel.