2 Samuel 13:1 - MUMA MALER 2015

¹ Absalom wuod Daudi ne nigi nyamin mare moro ma jaber, ma nyinge Tamar, to Amnon wuod Daudi nohere.

Motingʼo Loko Manyien

¹ Bangʼ kinde moko, Amnon wuod Daudi nochako gombo Tamar, nyako ma jaber mane nyamin Abisalom wuod Daudi.

2 Samuel 13:1 ပူးပေါင်းရင်းမြစ်များ

Chakruok 29:18

Jakobo nohero Rahel, omiyo nowacho ni Laban niya, “Abiro tiyoni kuom higni abiriyo mondo imiya Rahel nyari.”

Chakruok 29:20

Jakobo notiyo ni Laban kuom higni abiriyo mondo okend Rahel, to hignigo duto nochalone mana ka ndalo moko manok, nikech nohero Rahel ahinya.

Chakruok 34:3

To nohero Dina ahinya, omiyo notemo hoyo chunye,

Chakruok 6:2

yawuot Nyasaye noneno ni nyi dhano beyo, omiyo ng’ato ka ng’ato nokendo nyako mohero kuomgi.

2 Samuel 11:2

Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

2 Samuel 13:15

To bang’ mano, Amnon nojok kode ahinya, kendo jok mane ojokgo ne duong’ moloyo hera ma noherego mokwongo. Nowachone niya, “A malo idhiyo!”

2 Samuel 13:2

Chuny Amnon ne chande ahinya, nyaka nobedo matuo, mana nikech Tamar nyamin mare. To ne tekne timo kode gimoro, nikech ne en nyako ma pok ong’eyo chwo.

2 Samuel 14:27

Absalom nonywolo yawuowi adek gi nyako achiel ma nyinge Tamar. Ne en nyako ma jaber ahinya.

1 Ruodhi 11:1

Ruoth Solomon nohero nyi pinje mamoko mang’eny. Nokendo nyar Farao, gi nyi Amon, gi nyi Edom, gi nyi Sidon, kod nyi Hiti.

1 Weche mag Ndalo 3:2

Mar adek ne Absalom, ma min mare ne Maaka nyar Talmai ruodh Geshur. Mar ang’wen ne Adonija ma min mare ne Hagith.

1 Weche mag Ndalo 3:9

Jogo duto ne yawuot Daudi, ka ok okwan yawuot monde mamoko. Ne gin gi nyamingi ma nyinge Tamar.

Ngeche 31:30

Ber mar wang’ wuondo ji. Adier, chia bende rumo, to dhako ma oluoro Ruoth Nyasaye ema yudo pak.

Ngeche 6:25

Kik chia ma mon-go nigo ywayi, kendo kik wengegi malombo miyi gombo.