2 Samuel 12:31 - MUMA MALER 2015

³¹ kendo nodaro joma nodakie, moketogi e tich ng’ado bao, kod kunyo kite, gi tong’o yien, kod wang’o matafari. Kamano e kaka Daudi notimo e miech jo-Amon duto. Bang’e nodok Jerusalem gi jogo duto.

Motingʼo Loko Manyien

³¹ kendo nokawo ji duto mane ni e dalano, moketogi e tij ngʼeto gi musimeno kod tiyo gi chumbe gi ledhi; bende ne oketogi jolos matafare. Notimo ma ni mier duto mag jo-Amon. Eka Daudi gi jolwenje duto nodok Jerusalem.

2 Samuel 12:31 ပူးပေါင်းရင်းမြစ်များ

2 Samuel 8:2

Noloyo jo-Moab bende, kendo nochikogi mondo ginind piny, ka giriedo. Eka nopogogi gi tol e migepe adek. Nogolo chik mondo oneg migepe ariyo to migawo achiel mondo odong’. Bang’ mano jo-Moab nobedo e bwo loch Daudi, kendo ne gigolone osuru.

1 Weche mag Ndalo 20:2

To Daudi nogolo osimbo ewi Milkom ma nyasach jo-Amon, mi nosidhe e wiye owuon. Pek mar dhahabu molosego noromo kilo piero adek, kendo kidi ma nengone tek ne ochom kuome. Bende Daudi noyako gik mathoth e dalano,

1 Weche mag Ndalo 20:3

kendo nodaro joma odakie, moketo e tich payo bao gi kunyo kite kod tong’o yien. Kamano e kaka Daudi notimo ni miech jo-Amon duto. Eka nodok Jerusalem gi joge duto.

Jeremia 43:9

“Kaw kite moko madongo mondo ikuny e nyim dhoranga dala ruoth, ka jo-Juda moko neno.

Amos 1:13

Ruoth Nyasaye owacho niya, “Jo-Amon osetimo richo mang’eny, omiyo abiro kumogi mak orem, nikech wuoch lowo nomakogi, mi giriedo iye mon mayach e piny Gilead.

Amos 1:14

Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach.

Amos 1:3

Ruoth Nyasaye nowacho niya, “Jo-Damaski osetimo richo mang’eny, omiyo abiro kumogi mak orem, nikech gisesando jo-Gilead gi sand malit, ka giywayo kuomgi bepe mogurie musmande mabitho midinogo cham.

Jo-Hibrania 11:37

Moko ne ogo gi kite, to moko nong’ad sirunda, to moko bende noneg gi ligangla. Ne girwakore gi piende rombe kod piende diek, ka gidhier kendo kisandogi, bende ka gin gi chandruok malit.

Joshua 10:15

Bang’e Joshua kod jo-Israel duto nodok e kambi Gilgal.