2 Samuel 12:20 - MUMA MALER 2015

²⁰ To Daudi noa malo mi olwokore, kendo owirore gi mo, moloko lepe. Eka nodonjo e Od Ruoth Nyasaye, molemo. Bang’e nodok e ode, mokwayo mondo okelne chiemo.

Motingʼo Loko Manyien

²⁰ Daudi noa malo e lowo. Kane oseluokore, nowirore gi mo moloko lewni mane orwako, nodhi e od Jehova Nyasaye mi olemo. Bangʼe nodhi e ode owuon, mine okwayo chiemo momiye mochamo.

2 Samuel 12:20 ပူးပေါင်းရင်းမြစ်များ

2 Samuel 12:19

To kane Daudi oneno jotichne ka kuodho wach kendgi, nofwenyo ni kara nyathi osetho. Omiyo nopenjogi niya, “Kara nyathi osetho?” Ne gidwoke ni, “Ee, osetho.”

2 Samuel 12:21

Jotichne nopenje niya, “En ang’o mitimoni? Kane nyathi pod ngima, nitueyo chiemo, kendo niywak. To ka koro nyathi osetho, to ia malo, michiemo!”

2 Samuel 14:2

Omiyo nooro jaote Tekoa, moomone dhako moro mariek kuno. Joab nowacho ni dhakono niya, “Rwakri gi lep ywak, mondo iwuondri ka ng’ama ywago ng’ama otho. Kik iwirri gi mo, to chal dhako moseywago ng’ama otho kuom ndalo mang’eny.

2 Samuel 19:24

Mefibosheth nyakwar Saulo nobiro romo ni ruoth. To ne pok olwoko tiende, kata golo yie tike, kata mana lwoko lepe chakre chieng’ mane ruoth owuokie, nyaka chieng’ mane oduogoe koselocho.

2 Samuel 6:17

Ne gikelo Sanduk mar Ruoth Nyasaye, mi giketo kare e hema mane Daudi ogurone. Eka Daudi notimo misengni miwang’o pep, kod misengni mag sawo e nyim Ruoth Nyasaye.

2 Samuel 7:18

mi ruoth nodhi e nyim Ruoth Nyasaye, mobet piny. Nowacho niya, “A Ruoth Nyasaye, an ng’a, koso dhooda en ang’o momiyo isemiya duong’ ma kama?

Ayub 1:20

Bang’e Ayub nochung’, moyiecho lepe kanyisogo kuyo ma en go. Ne olielo wiye apwodha mopodho piny auma.

Ayub 2:10

To Ayub nodwoke niya, “Iwuoyo mana kaka dhako mofuwo wuoyo. Ka Nyasaye okelonwa gima ber, to wakawo. Koro ere gimomiyo wang’ur kokelonwa chandruok?” Kuom mano, kata obedo ni Ayub nosechandore malit kamano, to ne ok oketho dhoge.

Zaburi 103:1

A chunya, pak Ruoth Nyasaye! Dend nyinge maler, in tekra duto.

Zaburi 103:8

En jang’wono kendo okecho ji. Iye ok wang’ piyo, bende onyiso herane mosiko.

Zaburi 39:9

Aling’ thi, ma kata wuoyo ok anyal wuoyo, nikech in ema ikuma.

Zaburi 95:6

Biuru, wakulre piny e nyim Ruoth Nyasaye ma Jachuechwa, mondo walame, kwagoyone chongwa piny,

Ngeche 3:7

Kik iwe chunyi wuondi ni iriek, to luor aluora Ruoth Nyasaye, kendo bed mabor gi richo

Eklesiastes 9:8

Pile onego irwakri maber, kendo ibed mamor.

Mathayo 6:17

To in, kitueyo chiemo, to los alosa wiyi kendo ilwok wang’i kaka pile,

Luka 7:46

Bende ne ok iwiro wiya gi mo. En to osewiro tienda gi mo mang’ue ng’ar.

Ruth 3:3

Omiyo lwokri, kendo iwirri gi mo. Rwak lepi mabeyo, ilor idhi kuno. To kik iwe ong’eyi, ka pok ochiemo kendo ometho.

1 Samuel 15:25

Emomiyo koro asayi ni wena kethona, kendo lokri wadog kodi, mondo alam Ruoth Nyasaye.”

1 Samuel 15:31

Kuom mano, Samuel nowichore, moluwo bang’ Saulo, kendo Saulo nolamo Nyasaye.