2 Samuel 12:14 - MUMA MALER 2015

¹⁴ To kata kamano nyathi monywolni biro tho, nikech isechayo Ruoth Nyasaye.”

Motingʼo Loko Manyien

¹⁴ To nikech gima isetimo, isemiyo jowasigu ojaro Jehova Nyasaye, omiyo wuodi monywolno biro tho.”

2 Samuel 12:14 ပူးပေါင်းရင်းမြစ်များ

2 Samuel 12:15

Nathan nodok e dalane. Bang’e Ruoth Nyasaye nomiyo tuo ogoyo nyathi mane chi Uria onywolo ni Daudi, mi nohewore ahinya.

Nehemia 5:9

Eka nadhi nyime kawachonigi niya, “Gima utimo rach! Owinjore ubed joma oluoro Nyasaye ahinya, mondo ogendini ma wasikwa kik yud thuolo mar charowa.

Zaburi 69:6

Kik iwe akel wichkuot ni joma ogeno kuomi, A Ruoth Nyasaye Manyalo Gik Moko Duto. Kik iwe akel ayany ni jogo malami, yaye Nyasach Israel.

Zaburi 74:10

A Nyasaye, wasikwa biro jarowa kuom kinde marom nadi? Koso gibiro yanyo nyingi nyaka chieng’?

Zaburi 94:12

A Nyasaye, ng’at ma ichiko, kendo ipuonjo chikeni, en jahawi,

Zaburi 99:8

A Ruoth Nyasaye ma Nyasachwa, ne iwinjo ywak jogi, mi inyisogi ni in e Nyasaye ma ng’wono ni ji, kata obedo ni ne ikumogi kuom richogi kamano.

Isaya 52:5

To koro, en ang’o ma anenoni? Aneno ka joga okaw nono, maonge gima ochul. Joma ne omakogi goyonigi siboi, kendo odiechieng’ kodiechieng’ gitugo gi nyinga marach.

Amos 3:2

kendo un ema aseng’eyou kendo ritou kuom ogendini duto manie piny. Kuom mano abiro kumou kuom richou duto.

Mathayo 18:7

Gik mamiyo ji donjo e richo nomi ji modak e piny ne malit. Gik ma kamago ok nyal bare mak obetie, to mano kaka nobed malit ni ng’at makelogi!

Jo-Rumi 2:24

mana kaka Muma wacho niya, “Un jo-Yahudi ema umiyo joma ok jo-Yahudi tugo gi nying Nyasaye”?

1 Jo-Korintho 11:32

To ka Ruoth kumowa kamano, opuonjowa mondo kik wayud bura kaachiel gi jopinyni.

Jo-Hibrania 12:6

nikech ng’ama Ruoth ohero ema okumo. Adier, yawuote duto moyiego ema ochwado.”

Fweny 3:19

Joma ahero ema akwero kendo akumo. Emomiyo ket chunyi mondo ilokri iwe richoni.