2 Samuel 12:13 - MUMA MALER 2015

¹³ Daudi nowacho ni Nathan niya, “Aseketho e nyim Ruoth Nyasaye.” Eka Nathan nomedo wachone niya, “Ruoth Nyasaye bende oseweyoni richoni; koro ok nitho.

Motingʼo Loko Manyien

¹³ Eka Daudi nowachone Nathan niya, “Asekethone Jehova Nyasaye.” Nathan nodwoko niya, “Jehova Nyasaye oseweyoni richoni. Ok ibi tho.

2 Samuel 12:13 ပူးပေါင်းရင်းမြစ်များ

Chakruok 39:9

Osemiya teko marom gi mare e ode, kendo ok osetuona gimoro amora mak mana in, to nikech in chiege. Koro, ere kaka danyal timo richo machal kamano, kabedo jaketho e nyim Nyasaye?”

2 Samuel 24:10

To kane Daudi osekwano ji, chunye nochande, mowacho ni Ruoth Nyasaye niya, “A Ruoth Nyasaye, aseketho ahinya kuom gima asetimo. To koro asayi ni mondo iwena richona, nikech asetimo gima ofuwo.”

2 Samuel 24:17

Kane Daudi oneno malaika mane nego ji, nowacho ni Ruoth Nyasaye niya, “An e jakwath moseketho, kendo an ema asetimo gima rach. To ere rach ma ogandani osetimo? Akwayi ni an ema mondo ikuma kod dhoodwa.”

1 Ruodhi 13:4

Kane ruoth Jeroboam owinjo wach mane ng’at Nyasaye okuong’ogo kendo-mar-misango man Bethel, nogolo bade e misango, mosiemo ng’atno, kowacho niya, “Makeuru!” To bede mane osiemogo ng’atno notal, mi ne ok onyal dole kendo.

1 Ruodhi 21:20

Ahab nowacho ni Elija niya, “Yaye, jasika, kara isenwang’a?” Nodwoke ni “Ee, asenwang’i, nikech isechiwori mar timo gik ma Ruoth Nyasaye okwero.

1 Ruodhi 22:8

Ruodh Israel nodwoke ni, “Ee, ng’at achiel pod odong’ ma dipenjnwa Ruoth Nyasaye wach, en Mikaya wuod Imla.” To Jehoshafat nowachone ni, “Kik iwuo kamano.”

2 Ruodhi 1:9

Eka ruoth nooro jatend lweny mane nigi jolweny piero abich mondo odhi ir Elija. Jatelono noyude kobet piny ewi got moro. Nowachone niya, “Ng’at Nyasaye, ruoth owacho ni mondo ilor!”

1 Weche mag Ndalo 21:8

Eka Daudi nowacho ni Nyasaye niya, “Aseketho ahinya kuom gima asetimo. To koro akwayi ni mondo iwena richona, nikech asetimo gima ofuwo.”

2 Weche mag Ndalo 16:10

Wachno nomiyo Asa okecho gi janen, mi otueye gi nyororo e od tuech. To bende Asa nochako sando jomoko e ndalogo.

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Ayub 33:27

Eka nowachi e lela niya, ‘Asetimo richo. To kata obedo ni ne ok atimo gik makare kamano, to Nyasaye nong’wonona.

Zaburi 103:12

Ogolo richowa kendo owitogi mabor kodwa, mana kaka yo wuok chieng’ bor gi yo podho chieng’.

Zaburi 51:16

Ka da bed ni idwaro misengni, to da achiwoni. To ok iyie kata mana gi misengni miwang’o pep.

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Zaburi 51:6

To chuny man gi adiera ema idwaro, omiyo pong’ parona gi riekoni.

Wuok 9:27

Farao noluongo Musa gi Harun, mowachonigi niya, “Koro aseketho. Ruoth Nyasaye e man kare, to an, kaachiel gi joga, ema wasetimo marach,

Ngeche 25:12

Siem ma ng’at mariek siemogo ng’at ma chiko ite, ber moloyo tere mar dhahabu, kata tigo molos gi dhahabu.

Ngeche 28:13

Ng’at ma temo pando richone ok nyal dhi maber, to ng’ama hulo richone kendo weyo ema Nyasaye kecho.

Isaya 38:17

Chutho, koro aseneno ni chandruok duto mane aseyudo konya, nimar iseresa e tho nikech herani. Bende isewito richona duto ka dieng’eyi.

Isaya 43:24

Ne ok ung’iewona niang’ gi pesau, kata dhila gi boche mag misengniu, ne ok udhila. To ne utura mana gi richou, kendo ne uola mana gi timbeu mamono.

Isaya 44:22

Aserucho richou, mi oduono mana ka ong’ueng’o. Ee, asekeyo timbeu mamono mana ka boche polo. Duoguru ira, nikech asewarou.”

Ywagruok 3:32

Kata obedo ni okumo ji malit, to ong’wononigi bende gi herane mogundho mosiko,

Tim jo-Lawi 20:10

Ka ng’at oterore gi chi wadgi, to ng’atno kaachiel gi dhakono nyaka negi.

Tim jo-Lawi 24:17

“Ka ng’ato ogoyo wadgi monego, to en bende nyaka nege.

Zekaria 3:4

Malaikano nowacho ni joma ochung’ e nyime niya, “Lonyneuru lewni mochidogo oko.” Eka nowacho ni Joshua niya, “Neye kaka asegolo richoni oko kuomi! Koro abiro rwaki gi lewni mabeyo.”

Mathayo 14:10

Ne ooro ng’ato modhi ong’ado wi Johana e jela,

Luka 15:21

Eka wuowino nowacho ni wuon niya, ‘Aseketho e nyim Nyasaye, kendo e nyimi. Ok awinjora koro mondo iluonga ni wuodi.’

Luka 18:13

Jasol osuru to ne ochung’ gi chien kendo ne pok ohedhore kata mana ting’o wiye mondo orang polo, to noywagore malit, kowacho ni, ‘A Nyasaye, yie ikecha, an ma an jarichoni.’ ”

Tich Joote 2:37

Kane ji owinjo wachno, chunygi nochandore, mi gipenjo Petro kod joote mamoko ni, “Jowadwa, ere gima dwatim?”

Jo-Hibrania 9:26

nikech ka da bed ni otimo kamano, to dine osande pile, chakre chuech piny. To e ndalo ma piny rumoeni osefwenyore mana dichiel kende, ni mondo otiek richo, kochiwore owuon ka misango.

1 Johana 1:7

To ka wawuotho e ler kaka Nyasaye ni e ler, to wan e achiel ng’ato gi ng’ato, kendo remb Yesu Wuode pwodhowa kuom richowa duto.

Fweny 1:5

kendo moa kuom Yesu Kristo ma janeno maradier, mane okwongo chier oa kuom joma otho, kendo ma jatend ruodhi mag piny. Oherowa kendo osegonyowa kuom richowa gi rembe,

1 Samuel 15:20

Saulo nodwoko Samwel niya, “Ooyo, asewinjo dwond Ruoth Nyasaye, kendo asetiyo tich mane Ruoth Nyasaye oorae. Asekelo Agag ruodh Amalek, kendo asetieko jo-Amalek chuth.

1 Samuel 15:30

Eka Saulo nowacho niya, “Aseketho, to kata kamano, asayi, miya duong’ kawuono e nyim jodong joga, kendo e nyim jo-Isarel. Wichri wadog kodi, mondo alam Ruoth Nyasaye ma Nyasachi.”