2 Samuel 11:2 - MUMA MALER 2015

² Chieng’ moro kar sa ma dhok donjoe, Daudi noa e kitandane, ma noyudo oyueyoe, mowuotho ewi tat ode, mi nopo koneno dhako moro ka lwokore. Ne en dhako ma jaber ahinya.

Motingʼo Loko Manyien

² Odhiambo moro Daudi noa malo e kitandane mowuotho alwora mar wi tado mar ode ka en ewi tado noneno dhako moro kaluokore. To dhakono ne jaber ahinya,

2 Samuel 11:2 ပူးပေါင်းရင်းမြစ်များ

Chakruok 12:11

Kane ochiegni chopo Misri, nowacho ni Sarai chiege niya, “Ng’e ni in dhako ma jaber,

Chakruok 3:6

Dhako noneno ni olemb yadhno ber chamo, kendo lombo wang’, mi noparo kaka onyalo miyo ng’ato doko mariek. Kuom mano, nopono olembe moko mochamo. Chwore bende nomiyo moko, mochamo.

Chakruok 34:2

Shekem wuod Hamor ma ja-Hivi mane ruodh pinyno nonene, mokawe kendo noriwore kode, mokethe.

Chakruok 39:6

Potifar noketo gik moko duto e lwet Josef, kendo ne ok odewo rango gimoro kata achiel mak mana chiemo mochamo. Josef na nigi chia, kendo ne ojaber.

Chakruok 6:2

yawuot Nyasaye noneno ni nyi dhano beyo, omiyo ng’ato ka ng’ato nokendo nyako mohero kuomgi.

2 Samuel 13:1

Absalom wuod Daudi ne nigi nyamin mare moro ma jaber, ma nyinge Tamar, to Amnon wuod Daudi nohere.

2 Samuel 14:27

Absalom nonywolo yawuowi adek gi nyako achiel ma nyinge Tamar. Ne en nyako ma jaber ahinya.

2 Samuel 4:5

Rekab kod Baana, ma yawuot Rimon ja-Beeroth, nodhi mochopo e od Ishbosheth godiechieng’ ka piny oore, mi giyudo koyueyo chieng’ makech.

2 Samuel 4:7

Kane gichopo e ot mane Ishbosheth nindoe, ne gigoye, motho kendo ging’ado wiye oko. Ne gikawo wiye, mi giwuothogo otieno tulu, ka giluwo yo madhi e holo mar aora Jordan.

Ayub 31:1

“Ne asesingora ni ok narang nyako moro, mi agombi.

Zaburi 119:37

Rita mondo kik adew gik manono, to bedna mang’won kaka ne isingori.

Ngeche 19:15

Nindo mit ni jasamwoyo, to ng’at makamano kech biro nego.

Ngeche 31:30

Ber mar wang’ wuondo ji. Adier, chia bende rumo, to dhako ma oluoro Ruoth Nyasaye ema yudo pak.

Ngeche 6:25

Kik chia ma mon-go nigo ywayi, kendo kik wengegi malombo miyi gombo.

Ngeche 7:8

Ne oyudo owuotho e wang’yo mokadho but od dhako moro ma jachode,

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Mathayo 10:27

Gima awachonu e mudho, wachuru e lela, kendo gima okuodhnu e itu, to huluru ratiro.

Mathayo 24:17

Ka ng’ato nie wi tat ode, to kik olor mondo okaw gik manie ot odhigo.

Mathayo 5:28

An to awachonu ni, ka ng’ato orango dhako, mi ogombo, to oseterore kode e chunye.

Tich Joote 10:9

Kinyne kane jootego nie yo chiegni chopo Jopa, Petro noidho e tat ot kar sa auchiel mondo olem.

Rapar mar Chik 22:8

“Ka igero ot, to nyaka iriw rageng’ e lak tado gi yo ka oko, mondo kik ng’ato podhi koa e wi tatino, mi kel bura mar remo kuom odi.

Rapar mar Chik 5:21

“ ‘Kik igomb chi ng’ato kata od ng’ato kata puoth ng’ato kata misumba ng’ato kata dher ng’ato kata kanj ng’ato, kata gimoro amora mar ng’ato.’

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

1 Johana 2:16

nikech gik moko duto manie piny, kaka gombo mag ringruok gi gombo mar wang’, kod sunga ma ji sungorego kuom gik ma gin-go, ok a kuom Wuoro, to gin mana mag pinyni.

1 Samuel 9:25

Bang’e ne gilor gia e hembko, mi gidhi e dala, kendo ne gipedho ni Saulo kitanda ewi ot malo, monindo.