2 Samuel 11:1 - MUMA MALER 2015

¹ E ndalo chakruok oro, mane ruodhi thoro wuokie kadhi kedo, Daudi nooro Joab kod askechene owuon, kaachiel gi jolwenj Israel duto, mogoyo jo-Amon asasa kendo ne giluoro dala Raba. To Daudi nodong’ Jerusalem.

Motingʼo Loko Manyien

¹ E ndalo mar chwiri, e kinde ma ruodhi dhi e lweny, Daudi nooro Joab gi joka ruoth to gi jolweny mag Israel duto. Negigoyo jo-Amon mi gitiekogi kendo negimako dala mar Raba. To Daudi nodongʼ e Jerusalem.

2 Samuel 11:1 ပူးပေါင်းရင်းမြစ်များ

2 Samuel 10:14

Kane jo-Amon oneno ni jo-Aram ringo, gin bende ne giringo Abishai, mi gidonjo e dalagi. Eka Joab noweyo kedo kodgi, modok Jerusalem.

1 Ruodhi 20:22

Janabi cha nodhi ir ruodh Israel, mowachone niya, “Koro jiwri, ine gima onego itim, nikech e ndalo oro, ruodh Aram biro monji.”

1 Ruodhi 20:26

E ndalo oro, Ben-hadad nochoko jo-Aram, mi nodhi Afek mondo omonj jo-Israel.

1 Weche mag Ndalo 20:1

E ndalo chakruok oro, mane ruodhi thoro wuokie kadhi kedo, Joab nowuok gi jolwenje, mogoyo jo-Amon asasa. Ne gichopo Raba, kendo ne gilwore, to Daudi nodong’ Jerusalem. Joab noloyo Raba, moketho chuth.

2 Weche mag Ndalo 36:10

E ndalo oro ruoth Nebukadnezar nooro joote mokelo Jehoyachin Babulon kaachiel gi mwandu mag Od Ruoth Nyasaye, mi Nebukadnezar noketo Zedekia owadgi Jehoyachin ruodh Juda gi Jerusalem.

Zaburi 60:9

A Nyasaye, en ng’a mabiro tera e dala mochiel motegnono? Koso en ng’a ma notelna ka tera e dala mar Edom?

Eklesiastes 3:8

kinde mar hera, gi kinde mar sin, kod kinde mar lweny gi kinde mar kue.

Jeremia 49:2

Onge wach! To kata kamano, ndalo biro ma anami joma odak e dala mar Raba winj mahu mar lweny. Dala maduong’ mar jo-Amonno nodong’ gunda, kendo mier matindo tindo mokiewo kode nowang’ chuth. Bang’e jo-Israel nochak okaw pinygi kuom joma nomayogigo. An Ruoth Nyasaye ema awacho kamano.

Jeremia 49:3

Un jo-Heshbon, ywaguru, nikech dalau osekethi! Un mond Raba denguru kendo urwak piende gugru, mi uring koni gi koni, nimar Milkom nyasachu ibiro kaw mi ter e tuech, kaachiel gi jodolo mage kod jodonge.

Ezekiel 21:20

mondo ranyisi achiel onyis ruoth yo madhi Raba, dala jo-Amon, to machielo onyise yo madhi Jerusalem e chuny Juda,

Amos 1:14

Kuom mano abiro moko mach e ohinga mar Raba mondo owang’ kuonde mochiel motegno mag dalano. Ji nogo mahu chieng’ kedo, kendo lweny nobed maliet ka mach.

Zekaria 14:3

Eka Ruoth Nyasaye nowuogi mi ked gi ogendinigo mana ka gima okedo e paw lweny.

Rapar mar Chik 3:11

(Og ruodh Bashan kende ema nodong’ kuom jo-Refaim. Sandug liende, molos gi kite maratenge, pod ni Raba dala jo-Amor nyaka chil kawuono. Borne chiegni romo mita abich, to lachne mita ariyo.)

1 Samuel 18:30

E kinde ka kinde mane jotend lweny mag jo-Filistia odhi kedo gi jo-Israel, Daudi ne kedo matek, kendo nonego ji moloyo jolwenj Saulo moko duto. Omiyo nyinge noyudo pak maduong’.