2 Samuel 1:21 - MUMA MALER 2015

²¹ Un gode mag Gilboa, kik tho mok kuomu. Un puothe mag kuoyo, kik koth chue kuomu, nikech kuondegoo ema kuodi mag joma rateke odong’ie, ka kethore, kaachiel gi kuod Saulo, ma koro ok owir gi mo.

Motingʼo Loko Manyien

²¹ “Yaye gode mag Gilboa, mad ibed maonge thoo kata koth, kata puothe machiego cham michiwo. Nimar kanyo ema ne odwanye kuodi mag joma rateke, kuodi mag Saulo, tinde ok wir gi mo.

2 Samuel 1:21 ပူးပေါင်းရင်းမြစ်များ

1 Weche mag Ndalo 10:1

Noyudo jo-Filistia kedo gi jo-Israel, kendo jo-Israel noringo, kinegogi e got Gilboa.

1 Weche mag Ndalo 10:8

Kinyne, kane jo-Filistia obiro dedo joma otho, ne giyudo ringre Saulo gi ringre yawuote koriere e got Gilboa.

Wer Mamit 4:4

Ng’uti bor ka osuch Daudi, ma nenore gi kuma bor, kendo ma jolweny gana achiel marateke lieroe kuodigi.

Isaya 21:5

Bende naneno ka chiemo oseket piny, mi ochan kombe, kendo ka jatend jo-Babulon chiemo kendo metho, to e sano ne gipo ka oluonggi mondo gimanre gi gigi mag lweny.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Ezekiel 31:15

Ruoth Nyasaye wacho kama: Chieng’ ma yadhno dhiyo e Piny Joma Otho, anami pi manie bwo lowo ime, kendo ywage. Anageng’ aore mondo kik mol, kendo anakel mudho e got Lebanon mana nikech en, mi ami yien duto mae bungu two.

Joel 1:9

Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Jong’ad Bura 5:23

Malaika mar Ruoth Nyasaye owacho ni, ‘Kuong’uru Meroz kod joma odakie gi kuong’ malit, nikech ne ok gibiro mondo gikony Ruoth Nyasaye. Ne ok gikonyo Ruoth Nyasaye kata joge mag lweny.’

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 31:1

Noyudo jo-Filistia kedo gi jo-Israel, kendo jo-Israel noringo, kinegogi e got Gilboa.

1 Samuel 31:8

Kinyne, kane jo-Filistia obiro dedo jomotho, ne giyudo ringre Saulo gi ringre yawuote adek, koriere e got Gilboa.