2 Samuel 1:2 - MUMA MALER 2015

² Chieng’ mar adek ka Saulo osetho, ng’at moro nobiro moa e lweny koyiecho lepe, kendo obuko wiye buru. Kane ochopo ir Daudi, nokulore piny, komiye duong’.

Motingʼo Loko Manyien

² Chiengʼ mar adek ngʼato nobiro koa e kambi mar Saulo korwako lewni moyiech to wiye otimo buru, kane ochopo ir Daudi nokulore nyaka piny komiye duongʼ.

2 Samuel 1:2 ပူးပေါင်းရင်းမြစ်များ

Chakruok 22:4

Bang’ ndalo adek, Ibrahim noting’o wang’e, moneno kanyono gi kuma bor, mi nowacho ni joge niya,

Chakruok 37:29

Kane Reuben odok limo bugono, ma ok oyudo Josef, noyiecho lepe.

Chakruok 37:34

Noyiecho lepe, morwako pien gugru, kendo noywago wuode kuom ndalo mang’eny.

Chakruok 43:28

Ne gidwoke niya, “Ee, ruoth, wuonwa pod ngima.” Eka ne gigoyo chonggi piny, mi gikulore e nyime nyaka e lowo.

2 Samuel 1:3

Daudi nopenje niya, “Ia kanye?” Nodwoko ni, “Nyocha apondo aa e kambi lweny mar jo-Israel.”

2 Samuel 13:19

Tamar nobuko wiye gi buru, moyiecho lawe ma bade boyo ma norwako, kendo nodhi koywak, komako wiye.

2 Samuel 14:4

Kane chi Tekoano obiro ir ruoth, nogoyo chonge piny, nyaka e lowo, komiye duong’ mowacho niya, “Ruoth, konya.”

2 Samuel 15:32

Kane Daudi ochopo ewi got, kama nilamoe Nyasaye, Hushai ja-Arki nobiro romone, koyiecho lawe, kendo obuko wiye buru,

2 Samuel 24:20

To kane Arauna oneno ruoth gi joge ka biro ire, nowuok modhi romone, kendo nogoyo chonge piny, mokulorene nyaka e lowo.

2 Samuel 4:10

kane ng’at moro obiro Ziklag mokona ni Saulo osetho, koparo ni okelona wach maber, namake, manege. Mano e pok ma namiye kuom wach ma nokelo.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Ezekiel 27:30

Giduto giywagi malit, ka gibuko wigi buru, kendo ging’ielore e lowo.

Hosea 6:2

Bang’ ndalo ariyo kata adek obiro duogo chunywa kendo miyo wachak wadhi maber, mi wadag e nyime.

Joel 2:13

Chunyu mondo otur, eka onyis ni uywagoru, to kik uyiech ayiecha lepu.” Duoguru ir Ruoth Nyasaye ma Nyasachu, nikech ong’won kendo okecho ji. Iye ok wang’ piyo, kendo onyiso herane mosiko, bende chunye lor a kuom kelo ni ji masira.

Mathayo 12:40

Kaka Jona nobet ei rech mang’ongo kuom ndalo adek, odiechieng’ gotieno, e kaka Wuod Dhano bende nobed ei lowo kuom ndalo adek, odiechieng’ gotieno.

Mathayo 16:21

Chakre kindeno, Yesu nochako nyiso jopuonjrene malong’o niya, “Nyaka adhi Jerusalem mondo jodongo gi jodolo madongo kod jopunj Chik osanda, kendo onega, to chieng’ mar adek anachier.”

Joshua 7:6

Joshua gi jodong Israel noyiecho lepgi, kendo noolo buru e wigi. Ne giriere piny auma e nyim Sanduk mar Ruoth Nyasaye, mi giriyo kanyo nyaka odhiambo.

Fweny 3:9

To winji, nitie jomoko mag oganda jolemo mar Satan, maluongore ni jo-Yahudi, to ok gin jo-Yahudi, to giriambo ariamba. Abiro miyo gibiro, mi gipodhi e tiendi, kendo ging’e ni aheri.

1 Samuel 20:41

Kane rawera osedhi, Daudi noa kar pidh kite, mokulore didek, eka ne gimosore gi Jonathan, mi giywak giduto, to Daudi noywak moloyo.

1 Samuel 25:23

Kane Abigail oneno Daudi, noreto molor e kanje, kendo nogoyo chonge piny e nyime, mokulore nyaka e lowo.

1 Samuel 4:12

Ja-Benjamin moro noringo oa e lweny, mobiro Shilo chieng’onogo, koyiecho lepe, kendo obuko wiye buru.

1 Samuel 4:16

Jalo nowachone niya, “An ng’at moa e lweny. Aringo lweny mana kawuono.” Eli nopenje niya, “Wuoda, lweny dhi nadi?”