2 Ruodhi 9:3 - MUMA MALER 2015

³ Eka ikaw puga mar mo, iol e wiye, kikone ni Ruoth Nyasaye owachone ni oseyiere mondo obed ruodh Israel. Ka isewacho kamano, to yaw dhoot iring ia. Kik ideki!”

Motingʼo Loko Manyien

³ Bangʼ mano, kaw puga motingʼo mo iol e wiye kiwacho niya, ‘Ma e gima Jehova Nyasaye wacho: Asewali bedo ruodh Israel.’ Bangʼ timo ma to iyaw dhoot; kendo ring piyo, kik ideki!”

2 Ruodhi 9:3 ပူးပေါင်းရင်းမြစ်များ

1 Ruodhi 1:34

kama Zadok jadolo gi Nathan janabi biro wiree gi mo, mondo obed ruodh Israel. Bang’e ugo tung’, kendo ukog niya, ‘Ruoth Solomon mondo odag aming’a!’

1 Ruodhi 19:16

Jehu wuod Nimshi bende iwir mondo obed ruodh Israel; to Elisha wuod Shafat ja-Abel-mehola ema mondo iwir obed janabi kari.

2 Ruodhi 8:13

To Hazael nopenje ni, “To an anani, ere kaka danyal timo gima duong’ kamano?” Elisha nodwoke niya, “Ruoth Nyasaye osenyisa ni ibiro bedo ruodh Aram.”

2 Ruodhi 9:6

Mi Jehu noa malo, modonjo e ot. Eka janabino noolo mo e wiye, kawachone ni Ruoth Nyasaye ma Nyasach Israel owacho niya, “Aseyieri mondo ibed ruodh Israel.

2 Weche mag Ndalo 22:7

To Nyasaye nosechano ni mondo Ahazia otho kodhi limo Joram, omiyo, kane Ahazia ni kuno, nowuok gi Joram mondo girom gi Jehu wuod Nimshi, mane Ruoth Nyasaye oyiero mondo otiek od Ahab.

Wuok 29:7

Eka ikaw mor wir, iol e wiye kiwalego.

Daniel 2:1

Ruoth Nebukadnezar ne oleko lek e higa mar ariyo mar lochne. Lekno nochando chunye ahinya ma ok onyal nindo.

Daniel 4:35

Ji ma odak e piny nenore ka gima tin e nyime, bende otimo gima en ema ohero gi ogendini mag polo kod ji manie piny. Onge ng’ama nyalo mone timo gima odwaro, kata mana penje gima otimo.”

Daniel 5:18

“Nyasaye Maduong’ moloyo noketo Nebukadnezar kwaru obedo ruoth maduong’ man gi teko kod duong’.

Tim jo-Lawi 8:12

Noolo mo moko ewi Harun, mi owire, kokete e tich dolo.

Mathayo 10:16

“Winjuru! Aorou mana ka rombe madhi e dier ondiegi. Emomiyo beduru mariek ka thuol, kendo beduru mamuol ka akuru.

Mathayo 2:13

To kane ajuoke osewuok, malaika mar Ruoth nofwenyore ni Josef e lek, mowacho ne niya, “A malo, ikaw nyathi kod min mare mondo iring idhi Misri, kendo ibed kuno nyaka aduogni wach, nimar Herode biro dwaro nyathino mondo onegi.”

Mathayo 26:7

dhako moro nobiro ire gi chupa molos gi alabasta, moting’o mo mang’ue ng’ar ma nengone tek, mi oolo e wi Yesu, ka Yesu chiemo.

1 Samuel 10:1

Samuel nokawo tung’ mar mo, moolo ewi Saulo. Nonyodhe, mowachone niya, “Ruoth Nyasaye osewiri gi mo mondo ibed ruodh joge Israel. Initel ni jo-Ruoth Nyasaye, kendo iniresgi e lwet wasikgi molworogi. To gima biro bedoni ranyisi ni Ruoth Nyasaye oseyieri mondo ibed ruodh joge ema:

1 Samuel 15:1

Samuel nowacho ni Saulo niya, “Ruoth Nyasaye ne oora ni mondo awiri mo, ibed ruodh joge Israel. Emomiyo koro winj wachne.

1 Samuel 15:17

Samuel nowachone niya, “kata obedo ni in iwuon ineno ni itin, to oseketi jatend dhout Israel. Ruoth Nyasaye ne oyieri mondo ibed ruodh Israel.

1 Samuel 16:2

Samuel nodwoke ni, “Anyalo dhi nadi? To ka Saulo owinjo to donega!” Ruoth Nyasaye nowacho niya, “Kaw roya idhigo, kendo iwach ni isebiro mondo itim misango ni Ruoth Nyasaye.

1 Samuel 9:16

“Kiny kar sa makama, anaorni ng’at moro moa e piny Benjamin. Wire mondo obed ruodh joga Israel. Enores joga e lwet jo-Filistia, nimar aseneno chandruok mar joga, kendo ywakgi osechopo ira.”