2 Ruodhi 9:27 - MUMA MALER 2015

²⁷ Kane Ahazia ruodh Juda oneno gima otimore, noringo kochomo Beth-hagan. Jehu nolawe, kawacho niya, “En bende negeuru!” Mi ne gichwowe ka geche idho got Gur, machiegni gi Ibleam. Noringo nyaka Megido, motho kuro.

Motingʼo Loko Manyien

²⁷ Kane Ahazia ruodh Juda oneno gima otimore noringo kotony gi yor Beth-Hagan. Jehu nolawe kakok niya, “En bende negeuru!” Ne gihinye ewi gache mar lweny koringo ochomo Gur man but Ibleam, to notony kodhi Megido kuma nothoe.

2 Ruodhi 9:27 ပူးပေါင်းရင်းမြစ်များ

1 Ruodhi 21:2

Ahab nowacho ni Naboth niya, “Miya puothi mar mzabibu, mondo aloke puoth alot, nikech ochiegni gi oda. Anyalo miyi puoth mzabibu maber moloye; kata kihero, to anachuli nengo moromo kode.”

1 Ruodhi 4:12

Baana wuod Ahilud ne rito Taanak gi Megido nyaka Beth-shean, chakre kama yo lorie koa Jezreel dhi Beth-shean, mopowore nyaka Abel-mehola mokiewo gi Zerethan, kendo nyaka loka Jokmeam;

2 Ruodhi 10:4

To ne giluor ahinya ka giwacho niya, “Jehu noloyo ruodhi ariyo kande, koro wan to dwaloye nadi?”

2 Ruodhi 11:1

Kane Athalia min Ahazia oneno ni wuode osetho, nonego joka ruoth duto.

2 Ruodhi 12:1

E higa mar abiriyo mar loch Jehu, Joash nodoko ruoth, morito piny kuom higni piero ang’wen kodak Jerusalem. Min mare ne nyinge Zibia nyar Beer-sheba.

2 Ruodhi 12:21

Jozakar wuod Shimeath, kod Jehozabad wuod Shomer e jodonge mane onege. Noyike but kwerene e dala Daudi, mi Amazia wuode nodoko ruoth kare.

2 Ruodhi 14:19

Joge moko nojame Jerusalem, mi noringo nyaka Lakish, to ne gilawe mi ginege kuno.

2 Ruodhi 21:23

Jodong ruoth Amon nojame, monege e ode.

2 Ruodhi 8:29

Mi ruoth Joram nodok Jezreel ni mondo ochang kuom hinyruok ma noyudo Ramoth kokedo gi Hazael ruodh Aram. Eka Ahazia wuod Jehoram, ruodh Juda, nodhi Jezreel mondo one Joram wuod Ahab nikech Joram ne tuo.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Kwan 16:26

Eka nowacho ni oganda duto niya, “Suduru mabor gi hembe mag ji marichogi. Kik umul girgi moro amora, nono to urumo nikech richogi.”

2 Jo-Korintho 6:17

Emomiyo Ruoth owacho ni, “Auru kuomgi, kendo pogreuru kodgi. Kik umul gimoro mogak, mi narwaku.

Joshua 17:11

Bethshean kaachiel gi mier mokiewo kode gi joma nodak Ibleam gi Dor manie dhonam, gi En-dor gi Taanak kod Megido, kaachiel gi mier matindo ma nokiewo kodgi ne nie bwo jo-Manase, kata obedo ni ne gin e pinje mag jo-Isakar gi jo-Asher kamano.

Jong’ad Bura 1:27

Jo-Manase bende ne ok oriembo joma nodak Beth-shean, kata joma nodak Dor gi Ibleam kod Megido, gi mier matindo ma nokiewo kodgi. To jo-Kanaan nosiko mana kodak e pinyno.

Jong’ad Bura 5:19

Ruodhi nobiro mokedo Taanak, but aora mar Megido. Ee, ruodhi mag Kanaan nokedo, to ne ok giyako fedha.