2 Ruodhi 9:25 - MUMA MALER 2015

²⁵ Eka Jehu nowacho ni Bidkar mane jating’ne gilweny niya, “Kawe, ibole e puoth Naboth ja-Jezreel. Ok ipar gima Ruoth Nyasaye nowacho kuome chieng’ mane wan kodi e gach lweny, kwaluwo bang’ Ahab wuon mare?

Motingʼo Loko Manyien

²⁵ Jehu nowachone Bidkar jatend gechene mag lweny niya, “Kawe ibole e puodho mane mar Naboth ja-Jezreel. Par kaka in kod an ne wariembo gechewa kanyachiel bangʼ Ahab ma wuon-gi kane Jehova Nyasaye okoro wachni kuome kama:

2 Ruodhi 9:25 ပူးပေါင်းရင်းမြစ်များ

1 Ruodhi 19:17

Ng’at ma Hazael ok onego, Jehu noneg; to ng’at ma Jehu ok onego, Elisha noneg.

1 Ruodhi 21:1

Naboth ja-Jezreel ne nigi puoth mzabibu thurgi, machiegni gi od Ahab ruodh Samaria.

1 Ruodhi 21:19

To wachne ni Ruoth Nyasaye owacho kama: ‘Kara iseneko kendo yeko?’ Eka imed nyise ni Ruoth Nyasaye owacho niya, ‘Kama nyocha guogi onang’oe remb Naboth, ema nonang’ie mari bende!’ ”

2 Ruodhi 15:12

Kamano weche mane Ruoth Nyasaye osingorego ni Jehu, kowachone ni nyikwaye nobed ruodhi mag Israel nyaka tieng’ mar ang’wen, nochopo kare.

2 Ruodhi 9:26

Donge Ruoth Nyasaye nowacho kuome ni, ‘Nyoro aneni kinego Naboth gi yawuote, to abiro chuloni kuor e puodhoni’? Omiyo kawe, ibole e puodhono, mondo wach Ruoth Nyasaye ochop kare.”

Isaya 13:1

Ma e wach mane Nyasaye onyiso Isaya wuod Amoz kuom Babulon e fweny:

Ezekiel 12:10

Nyisgi ni an Ruoth Nyasaye awacho kama: Fweny ma anyisono wuoyo kuom jaduong’ ma jatend Jerusalem, kaachiel gi ji duto modak kuno.

Nahum 1:1

Ma e fweny mane Nyasaye omiyo Nahum ja-Elkosh kuom dala mar Nineve.

Malaki 1:1

Ma e wach Ruoth Nyasaye mane omiyo Malaki mondo onyis jo-Israel.

Mathayo 11:30

Kamano unuyud yueyo e chunyu, nnimar lodi ma amiyou yom, kendo misika yot.”