2 Ruodhi 9:2 - MUMA MALER 2015

² Kichopo, dwar Jehu wuod Jehoshafat ma wuod Nimshi. Kisetundo kama entie, to gole kuom jolweny wetene, kendo itere e ot ma iye.

Motingʼo Loko Manyien

² Ka ichopo kanyo, to imany Jehu wuod Jehoshafat, ma wuod Nimshi. Dhi ire igole oko e kind ji kendo itere nyaka ei ot kar kende.

2 Ruodhi 9:2 ပူးပေါင်းရင်းမြစ်များ

1 Ruodhi 20:30

Joma nodong’ noringo modonjo e dala Afek, to ohinga mar dala nopodho, monego ji alufu piero ariyo gabiriyo kuomgi. Ben-hadad bende noringo, modonjo e dalano, kendo nopondo ei ot moro maiye.

1 Ruodhi 22:25

Mikaya nodwoke niya, “Chieng’ ma inidonji e ot maiye mondo ipondie, eka ining’e!”

2 Ruodhi 9:11

Kane Jehu owuok, modok ir jodong ruodhe, ne gipenje niya, “Ere wach? Janekono nobiro iri nang’o?” Nodwokogi niya, “Ung’eyo kaka ng’atno wuoyo!”

2 Ruodhi 9:14

Kamano e kaka Jehu wuod Jehoshsfat ma wuod Nimshi nochako piem gi Joram, mondo ogol e tich ruoth.

2 Ruodhi 9:20

Jarito nowacho kendo niya, “Jaoteno osechopo irgi, to en bende ok oduogi. To jariemb gari cha chalo mana gi Jehu wuod Nimshi, nikech oriembo matek ka janeko.”

2 Ruodhi 9:5

monwang’o jodong lweny ka nie bura. Nowacho niya, “Jaduong’, adwaro loso kodi.” Jehu nopenje niya, “En ng’a ma idwaro losogo kuomwa?” Nodwoke ni, “Mana in, jaduong’”