2 Ruodhi 8:9 - MUMA MALER 2015

⁹ Kamano Hazael nodhi romo ni Elisha, kotero ne mich mang’eny mogolo Damaski, moromo ngamia piero ang’wen ting’o. Kane oromo kode, nochung’ e nyime, mowachone niya, “Ben-hadad ruodh Aram ma nyathini oora ni mondo apenji kobiro kwo.”

Motingʼo Loko Manyien

⁹ Hazael nodhi romo kod Elisha kotingʼo mich mar mwandu motingʼ gi ngamia piero angʼwen ma gin gik mabeyo mag piny Damaski. Nodhi ir Elisha mochungʼ e nyime mowachone niya, “Wuodi ma Ben-Hadad ruodh Aram oora mondo apenji ka bende obiro chango kuom tuoni.”

2 Ruodhi 8:9 ပူးပေါင်းရင်းမြစ်များ

1 Ruodhi 14:3

Kaw makati apar, gi kek moko kod puga mar mor kich, iterne; enonyisi gima biro timore kuom nyathi.”

1 Ruodhi 15:18

Eka Asa nokawo fedha gi dhahabu duto ma nodong’ kuom mwandu mag Od Ruoth Nyasaye kod mag ode owuon, momiyo jotichne mondo okow ni Ben-hadad ruodh Aram, ma wuod Tabrimmon, wuod Hezion, ma nodak Damaski. Noorone wach niya,

1 Ruodhi 19:15

Eka Ruoth Nyasaye nowachone niya “Dog gi yor thim mane ibirogo, idhi Damaski, to kisechopo, iwir Hazael gi mo mondo obed ruodh Aram.

2 Ruodhi 1:2

Chieng’ moro Ahazia nogore piny koa e dirisa mar gorofa mar ode man Samaria, mohinyore. Nooro joote mondo odhi openj Baal-zebub nyasach Ekron kata kobiro kwo.

2 Ruodhi 13:14

Kane Elisha tuo gi tuo mane biro nege, noyudo Jehoash ruodh Israel osedhi nene, moywage ni, “Wuora! Wuora! Isebedonwa kaka geche lweny gi joidh farese mag Israel.”

2 Ruodhi 16:7

To kane Ahaz oyudo ni ruodhigo olwore kamano, nooro joote ir Tiglath-pileser ruodh Asuria, kowachone niya, “An nyathini kendo jatichni, yie ibi iresa e lwet ruodh Aram gi ruodh Israel ma kedo koda.”

2 Ruodhi 5:13

To jotichne nosudo bute, mopenje niya, “Wuonwa, ka da janabi chiki ni mondo itim gimoro maduong’, donge ditimo? To koro ok ber moloyo kowachoni mana ni mondo inyumri e pi, idok maler?”

2 Ruodhi 5:5

Ruodh Aram nowachone niya, “Kara dhiyo, abiro ori ir ruodh Israel gi barua.” Naaman nodhi gi fedha moromo kilo mia adek, gi dhahabu moromo kilo apar, kod lewni mabeyo apar.

2 Ruodhi 6:21

Kane ruodh Israel onenogi, nopenjo Elisha niya,, “Wuonwa, aneggi koso?”

Eklesiastes 3:6

kinde mar dwaro gimoro, gi kinde ma gimoro lalie, kinde mar rito gimoro, gi kinde mar wito gimoro,

Filemon 1:14

To ok adwar chuni mondo ikonya, to daher mondo ikonya mana kuom ng’wononi. Kuom mano, ok anatim gimoro ka ok iyiego.

1 Samuel 25:8

Penj jogi, to gibiro nyisi kamano. Emomiyo rwak jogagi mang’won, nikech wabiro e ndalo maber. Akwayi ni mondo imi Daudi wuodi kod joge gimoro amora ma in go.’ ”

1 Samuel 9:7

Saulo nopenje niya, “Ka wadhi to ere gima dang’ water ni ng’at Nyasayeno, nimar chiemo mane wating’o koro oserumo, kendo waonge gi mich ma wanyalo terone? Koso wan gang’o?”