2 Ruodhi 8:6 - MUMA MALER 2015

⁶ Ruoth nopenjo dhakono wachno, mi dhakono nonyise gik ma notimore. Eka ruoth nomiye jaduong’ moro kowachone niya, “Los wach dhakoni, mondo odwokne gige duto, kaachiel gi cham duto mosenyak e puothene, chakre chieng’ mane oaye ka, nyaka chil kawuono.”

Motingʼo Loko Manyien

⁶ Eka ruoth nopenjo dhakono kuom wach nyathineno kendo nowachone ni en kamano. Eka ruoth nogolo chik ne jatelo kuom dhakono kowacho niya, “Dwokne dhakono gige duto, kaachiel gi ohala duto mosewuok e puotheno chakre chiengʼ mane oa e pinyni nyaka chiengʼ mane oduogoe.”

2 Ruodhi 8:6 ပူးပေါင်းရင်းမြစ်များ

Chakruok 37:36

To jo-Midian notero Josef Misri mong’iewe gi Potifar mane achiel kuom jotend Farao, kendo mane jaduong’ jorit od ruoth.

2 Samuel 9:7

Daudi nowachone niya, “Kik iluor, nimar abiro timoni maber nikech hera ma naherogo Jonathan wuoru. Abiro dwokoni puothe duto mane mag Saulo kwaru, kendo anamiyi chiemo pile.”

2 Ruodhi 8:5

Kane pod Gehazi nyiso ruoth kaka Elisha nochiero ng’at motho, nopo ka min wuowi mane ochierono obiro, mokwayo ruoth mondo odwokne ode gi puothene. Mi Gehazi nowacho ni ruoth niya, “Ruodha, ma e dhako nogono, kendo ma e wuode mane Elisha ochiero!”

2 Ruodhi 8:7

Chieng’ moro Elisha nodhi Damaski, moyudo ka Ben-hadad ruodh Aram tuo. Kane ruoth owinjo ni ng’at Nyasaye obiro.

2 Ruodhi 9:32

Jehu noting’o wang’e, mong’iyo dirisa kapenjo niya, “Ere ng’ama odokna?” Eka jotich ariyo kata adek nobiro e dirisa, mong’iye.

1 Weche mag Ndalo 28:1

Daudi nochoko jotend Israel duto Jerusalem. Ne gin jodong dhoudi, gi jotend joma ne tiyo ni ruoth, gi jotend ogend lweny madongo gi matindo, gi joma ne rito mwandu kod jamb ruoth gi mag yawuote, kaachiel gi jong’ad bura gi thuondi kod joge duto mane nigi teko.

Ngeche 16:7

Ka Ruoth Nyasaye mor gi ng’ato kod timne, to ng’atno nyalo miyo koda ka wasike lokre osiepene.

Ngeche 21:1

Ruoth Nyasaye ema nyiso ruoth gik monego otim, mana kaka ochiko aora kuma onego molie.

Rapar mar Chik 22:2

Kopo ni wuon-go ok jagweng’u, kata ka ok ing’eye, to nyaka iter chiayono e dalani, kendo irite nyaka wuon-go nwang’e kuomi, eka idwoknego.

Jong’ad Bura 11:13

To ruodh jo-Amon nodwoko joote Jeftha niya, “Kane jo-Isarel wuok Misri, ne gikawo pinywa chakre aora Arnon nyaka aora Jabok gi aora Jordan, omiyo koro dwoknwauru pinyno gi kue.”