2 Ruodhi 8:5 - MUMA MALER 2015

⁵ Kane pod Gehazi nyiso ruoth kaka Elisha nochiero ng’at motho, nopo ka min wuowi mane ochierono obiro, mokwayo ruoth mondo odwokne ode gi puothene. Mi Gehazi nowacho ni ruoth niya, “Ruodha, ma e dhako nogono, kendo ma e wuode mane Elisha ochiero!”

Motingʼo Loko Manyien

⁵ Kane oyudo Gehazi nyiso ruoth kaka ne Elisha ochiero ngʼato motho, to dhako mane Elisha ochiero wuode cha nochopo kanyo mondo okwa ruoth odwokne ode kod lope. Eka Gehazi nowachone ruoth niya, “Ruodha, ma e dhakono, kendo ma e wuode mane Elisha odwogone ngimane.”

2 Ruodhi 8:5 ပူးပေါင်းရင်းမြစ်များ

1 Ruodhi 20:1

Ben-hadad ruodh Aram nochoko ogandane mar lweny, kaachiel gi ruodhi piero adek gariyo gi farese kod geche lweny. Nodhi molworo Samaria, kendo nokedo kode mondo okawe.

2 Ruodhi 4:12

Bang’e nowacho ni Gehazi jatichne niya, “Luong chi Shunem.” Gehazi noluongo dhakono, mobiro ochung’ e nyim Elisha.

2 Ruodhi 4:35

Elisha nochung’ mowuotho koni gi koni e ot dichiel. Eka nodok, moriere kuom nyathi kendo, mi nyathi nogir dibiriyo, kendo wang’e noyawore.

2 Ruodhi 6:12

Achiel kuom joge nodwoke niya, “Ruoth, onge ng’atwa moro amora, to mak mana Elisha janabi ema nyiso ruodhgi gik miwacho kata ka in e odi mar nindo.”

2 Ruodhi 6:26

Chieng’ moro kane ruodh Israel oyudo wuotho ewi ohinga mar dala, dhako moro noywakne kawacho niya, “Yaye ruoth, konya!”

2 Ruodhi 8:6

Ruoth nopenjo dhakono wachno, mi dhakono nonyise gik ma notimore. Eka ruoth nomiye jaduong’ moro kowachone niya, “Los wach dhakoni, mondo odwokne gige duto, kaachiel gi cham duto mosenyak e puothene, chakre chieng’ mane oaye ka, nyaka chil kawuono.”

Zaburi 145:1

Anahul duong’ni maler, A Ruodha kendo Nyasacha, kendo anapak nyingi ndalo duto nyaka chieng’.

Ngeche 16:9

Dhano loso chenone owuon, to Ruoth Nyasaye ema telone eka otimgi.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Jo-Rumi 8:31

To koro dwawach ang’o kuom wechego duto? Ka Nyasaye ni kodwa, to ere gima dwaluor, kata ka ng’ato obedo jasikwa?

Ruth 2:3

Omiyo nowuok modhi hulo cham e puodho bang’ jokeyo, kendo nopo kochopo e puoth Boaz, jadhoodgi Elimelek.

1 Samuel 26:17

Kane Saulo ochamo dwond Daudi, nopenje niya, “Daudi wuoda, mano dwondi koso?” Daudi nodwoke niya, “Ee, mano dwonda, ruoth.