2 Ruodhi 8:4 - MUMA MALER 2015

⁴ To noyudo ka ruoth penjo Gehazi jatich ng’at Nyasaye ni mondo onyise gik madongo duto ma Elisha osetimo.

Motingʼo Loko Manyien

⁴ Ruoth ne wuoyo gi Gehazi jatich ngʼat Nyasaye, kowachone niya, “Nyisa e honni madongo ma Elisha osetimo.”

2 Ruodhi 8:4 ပူးပေါင်းရင်းမြစ်များ

2 Ruodhi 2:14

Nochwado pi gi law Elijano kowacho niya, “Ere Ruoth Nyasaye ma Nyasach Elija?” Kane osechwado pi kamano, pi nopogore koni gi koni, mi nong’ado aora.

2 Ruodhi 2:24

Nogoyo machiemo monenogi, kendo nokuong’ogi e nying Ruoth Nyasaye. Ondiegi ma mon ariyo noa e bungu, mokidho rawere piero ang’wen gariyo kuomgi.

2 Ruodhi 4:12

Bang’e nowacho ni Gehazi jatichne niya, “Luong chi Shunem.” Gehazi noluongo dhakono, mobiro ochung’ e nyim Elisha.

2 Ruodhi 4:25

Mi nowuok modhi got Karmel ir ng’at Nyasaye. Kane ng’at Nyasaye onene gi kuma bor, kobiro, nowacho ni Gehazi jatichne niya, “Ne! Chi Shunem cha biro.

2 Ruodhi 5:14

Omiyo nolor modhi onimo e aora Jordan dibiriyo, kaka ng’at Nyasaye nowacho, mi nopwodhore, kendo dende noduogo mapakni ka dend nyathi matin.

2 Ruodhi 6:32

Noyudo ka Elisha obet ewi ode kaachiel gi jodongo. Ruoth nooro jaote ire, to kane pok jaoteno ochopo, Elisha nowacho ni jodongo niya, “Uneno kaka ng’at ma janekno oro ng’ato mondo obi ong’ad wiya oko? Ka jaoteneno ochopo ka, to ulor dhoot matek, nikech ruodhe luwo bang’e machiegni.”

2 Ruodhi 6:6

Ng’at Nyasaye nopenje niya, “Olwar gi kanye?” Kane jalo onyise, Elisha nong’ado luth, mobolo kanyono, mi le nolewore.

2 Ruodhi 7:1

To Elisha nowacho niya, “Winjuru wach Ruoth Nyasaye. Ruoth Nyasaye owacho niya, ‘Kiny, kar sa makama, nengo atonga mar mogo mayom nobed otonglo achiel e dhoranga Samaria, kendo atonge ariyo mag shairi bende otonglo achiel.’ ”

2 Ruodhi 7:10

Mi ne gidok, kendo ne giluongo jorit ranga dala, ka giwachonigi niya, “Nende wachopo e kambi mar jo-Aram, to ne ok waneno ng’ato, kata winjo dwol moro ne ok wawinjo, mak mana hembe gi farese kod kenje motue e loyegi.”

2 Ruodhi 7:3

Noyudo ka jodhoho ang’wen obet e dhoranga Samaria. Ne gipenjore niya, “Ere gima omiyo warito mondo watho ka?

2 Ruodhi 8:3

Kane higni abiriyogo oserumo, dhakono noduogo koa e piny jo-Filistia, mi nodhi mondo okwa ruoth odwokne ode gi puothe.

Mathayo 2:8

Eka ne oorogi Bethlehem, konyisogi niya, “Dhiuru umany nyathino matek, to ka usenwang’e, to duogna uru wach, mondo an bende adhi amiye duong’.”

Luka 23:8

Herode nodoko mamor ahinya koneno Yesu, nikech nosewinjo humbe, omiyo nogombo ahinya mondo onene, kendo oneye hono moro motimo.

Luka 9:9

To Herode nowacho niya, “Johana to ne agolo chik mondo ong’ad wiye oko, to ma en ng’a, matimo gik ma kamagini?” Mano omiyo nogombo ahinya mondo one Yesu.

Johana 9:27

Ne odwokogi niya, “Donge asenyisou, to udagi winjo? Ang’o momiyo udwaro ni mondo achak awachnu kendo? Koso un bende udwaro doko jopuonjrene?”

Tich Joote 24:24

Bang’ ndalo moko, Feliks nobiro gi Drusila chiege ma nyar jo-Yahudi. Ne oluongo Paulo ire, kendo nowinje kowuoyo e wach yie kuom Kristo Yesu.