2 Ruodhi 8:16 - MUMA MALER 2015

¹⁶ E higa mar abich mar loch Joram wuod Ahab, ruodh Israel, Jehoram wuod Jehoshafat nodoko ruodh Juda.

Motingʼo Loko Manyien

¹⁶ E higa mar abich mar Joram wuod Ahab ruodh Israel, kane Jehoshafat ne ruodh Juda, Jehoram wuod Jehoshafat nochako tich kaka ruodh Juda.

2 Ruodhi 8:16 ပူးပေါင်းရင်းမြစ်များ

1 Ruodhi 22:42

Nokawo loch ka en jahigni piero adek gabich, kendo norito piny kuom higni piero ariyo gabich kodak Jerusalem. Min mare ne nyinge Azuba nyar Shilhi.

1 Ruodhi 22:44

Jehoshafat bende notimo winjruok gi ruodh Israel.

1 Ruodhi 22:50

Jehoshafat notho, moyike but kwerene e dala Daudi kwar mare. Jehoram wuode nodoko ruoth kare.

1 Ruodhi 22:51

E higa mar apar gabiriyo mar loch Jehoshafat ruodh Juda, Ahazia wuod Ahab nodoko ruodh Israel kuom higni ariyo.

2 Ruodhi 1:17

Omiyo Ahazia notho kaka Ruoth Nyasaye nomiyo Elija owacho. Joram owadgi nodoko ruoth kare e higa mar ariyo mar loch Jehoram wuod Jehoshafat, ruodh Juda, nikech Ahazia ne onge gi wuowi.

2 Ruodhi 11:2

To Jehosheba nyar ruoth Jehoram, ma nyamin Ahazia, nogolo Joash ling’ling’ kuom yawuot ruoth ma nidwaro nego, mi nopande e od nindo kod japite. Kamano Athalia ne ok onege.

2 Ruodhi 3:1

E higa mar apar gaboro mar loch Jehoshafat ruodh Juda, Joram wuod Ahab nodoko ruodh Israel morito piny kuom higni apar gariyo, kodak Samaria.

2 Ruodhi 8:25

E higa mar apar gariyo mar loch Joram wuod Ahab ruodh Israel, Ahazia wuod Jehoram nodoko ruodh Juda.

2 Weche mag Ndalo 22:1

Mony ma nobiro gi jo-Arabu e lwenjno nosenego yawuot Jehoram madongo duto. Kamano e kaka Ahazia wuod Jehoram machogo nodoko ruodh Juda.