2 Ruodhi 7:8 - MUMA MALER 2015

⁸ Kuom mano, kane jodhohogo ochopo e dho kambi, ne gidonjo e hema moro, mi gichiemoe kendo gimethoe. Eka ne gipeyo fedha gi dhahabu kod lewni, mi gidhi gipando. Ne gidok kendo ne gipeyo gik mane nie hema machielo. Gigo bende ne gidhi gipando.

Motingʼo Loko Manyien

⁸ Jodhohogo nodhi nyaka dho kambi ma gidonjo e achiel kuom hembego. Negichamo chiemo kendo gimetho bangʼe gitingʼo fedha, dhahabu kod lewni mine gidhi gipandogi. Negidwogo kendo mi gidonjo e hema machielo, ma gikawo gik moko kanyo kendo gidok gipando.

2 Ruodhi 7:8 ပူးပေါင်းရင်းမြစ်များ

2 Ruodhi 5:24

Kane gichopo e dala, Gehazi nokawo gigo kuomgi, mokano e ot. Eka nomiyogi thuolo, mi gidok.

2 Ruodhi 7:9

Eka ne giwacho kendgi niya, “Yawa! Ok watim maber. Ma en odiechieng’ mar mor, to waling’ aling’a nadi? Kwagalore kama nyaka piny oru, to wabiro neno masira. Omiyo koro wadhiuru mondo wanyis jood ruoth gima otimore.”

Isaya 33:23

Bang’e ng’ama muofu kod ng’ama rang’ol bende noyud pok kuom gik moyaki.

Jeremia 41:8

To ji apar kuom jogo nosayo Ishmael, kawachone niya, “Kiyie to kik inegwa! Wan gi cham gi mor zeituni kod mor kich mwasepando e bungu.” Omiyo noweyogi, mi ok onegogi kaka ne onego jowadgi mamoko.

Mathayo 13:44

“Loch Polo chalo gi mwandu mane opandi e puodho, mi ng’ato oyudo, mi ochako oyiko kendo. Ng’atno nodoko mamor ahinya, omiyo nodhi oloko gige duto pesa, mi oduogo ong’iewo puodhono.

Mathayo 25:18

To ng’at mane omi siling’ alufu achiel ne odhi okunyo bur, mokanoe pesa mane ruodhe omiyego.

Joshua 7:21

nikech kane aneno law maber molos Shinar, gi fedha ma pekne oromo kilo ariyo, kod dhahabu ma pekne oromo nus kilo kuom mwandu Jeriko, gombo nomaka, makawogi. Nakunyogi e hemba ka fedha ema akuongo keto e bur.”