2 Ruodhi 7:6 - MUMA MALER 2015

⁶ nimar Ruoth Nyasaye nosemiyo oganda jo-Aram owinjo koko mar geche gi farese, machalo oganda maduong’, mi giwacho kendgi niya, “Winjuru! Ruodh Israel osewako ruodhi mag jo-Hiti gi mag jo-Misri mondo obi oked kodwa.”

Motingʼo Loko Manyien

⁶ nikech Ruoth Nyasaye nosekelo luoro e chuny jo-Aram ma giwinjo geche, farese kod jolweny mangʼeny, mani nomiyo giwacho e kindgi giwegi niya, “Neyeuru kaka ruodh Israel osengʼiewo pinje mag jo-Hiti gi ruodhi mag Misri mondo omonjwa!”

2 Ruodhi 7:6 ပူးပေါင်းရင်းမြစ်များ

2 Samuel 10:6

Jo-Amon noneno ni gisemiyo Daudi ojok kodgi, omiyo ne giholo jolweny alufu piero ariyo kuom jo-Aram ma Beth-rehob, kod jo-Aram ma Zoba, kendo ne giwako ruoth Maaka kod joge alufu achiel kaachiel gi jo-Tob alufu apar gariyo.

2 Samuel 5:24

Kiwinjo mutni ewi yien, ka mutni mag ji mawuotho, to ireti, nimar asetelo nyimi, mondo adhi alo jolweny mag jo-Filistia.”

1 Ruodhi 10:29

Gari achiel ning’iewo Misri gi kilo abiriyo mag fedha, to faras achiel nengone noromo kilo ariyo, kendo johala mag ruoth ne terogi ni ruodhi duto mag jo-Hiti gi mag jo-Aram.

1 Ruodhi 20:20

Ng’ato ka ng’ato nonego ng’ate, mi jo-Aram noringo, ka jo-Israel lawogi. To Ben-hadad ruodh Aram noidho faras motony kaachiel gi joidh faresene moko.

2 Ruodhi 19:7

nikech abiro miye chuny man gi kibaji, mi, kowinjo wach moro marach, to noring odog e pinye, kuma nami onegee.’ ”

2 Ruodhi 7:5

Omiyo kane chieng’ osepodho, ne giwuok mondo gidhi kuma jo-Aram ojotie. To kane gichopo e dho kambigi, ne gipo ka onge kata ng’at achiel kanyo,

Ayub 15:21

Koko mag masiche biro mor e ite, kendo jomecho biro monje mi yake e kinde moparo ni enie gi kue.

Zaburi 14:5

To kihondko biro makogi, nikech Nyasaye mana nigi jogo ma oluore.

Isaya 31:1

Mano kaka utimo gima ofuwo, un joma dhi Misri mondo uyud konyruok! Uketo genou kuom farese, kendo kuom geche mag lweny mang’eny ka kuoyo, kod joidh farese gana gi gana, to ok udew Ruoth Nyasaye ma Ng’ama Ler mar Israel, kata kwaye mondo otelnu.

Isaya 36:9

Ka jo-Misri ema igeno ni biro konyi gi geche kod joidh farese, to ere kaka iparo ni dilo kata mana achiel matinie moloyo kuom jotend lweny mag ruodha?

Jeremia 46:21

Jolweny ma jo Misri ondiko, bende omemore mana ka nyiroye mitueyo dala. Ne ok ginyono piny mondo gikedi, to giduto ne giwichore mi giringo, nikech ndalo ming’adonigie bura nosechopo, momiyo masira omakogi.

Ezekiel 1:24

Bende kane gihuyo ne awinjo ka buombegi kwadhore matek, machalo mana nam maduong’ ma wuo, kata jolweny mang’eny magoyo mahu, kata dwond Nyasaye Manyalo Gik Moko Duto. Kane gichung’ to buombegi ne lor piny,

Ezekiel 10:5

Kane buombe kerubigo kwadhore, to winjore koda ka e laru maoko mar Hekalu, mana ka dwond Ruoth Nyasaye Manyalo Gik Moko Duto.

Fweny 9:9

Ne girwako gilweny mag akor machalo gi akor mag nyinyo, kendo bwombegi ne wuo mana kaka geche lweny wuo ma farese mang’eny ywayo ka ringo dhi e lweny.

Jong’ad Bura 7:21

Ne gilworo kambi ka ng’ato ka ng’ato ochung’ kare. To jo-Midian nochiew ka kihondko omako, moringo ka ywak.

1 Samuel 14:15

Mi luoro maduong’ nolandore kuom jo-Filistia duto, mane nie paw lweny, kendo mane nie kambi. Jolweny ma jorit, kaachiel gi oganda mony bende nokirni, kendo piny noyiengni, mi kihondko malich nobetie.

1 Samuel 26:6

Daudi nowacho ni Ahimelek ja-Hiti, kod Abishai wuod Zeruya ma owadgi Joab niya, “Ere ng’ama didhi koda mwalo e kambi Saulo?” Abishai nodwoke ni, “Wadhi kodi.”