2 Ruodhi 7:16 - MUMA MALER 2015

¹⁶ Omiyo ji duto nowuok, moyako kambi jo-Aram, kendo atonga mar mogo mayom ning’iewo otonglo achiel, kaka Ruoth Nyasaye nowacho.

Motingʼo Loko Manyien

¹⁶ Eka ji nowuok modhi oyako kambi jo-Aram. Kuom mano nengo gorogoro achiel mar mogo ne en silingʼ achiel to mogo mar shairi gorogoro ariyo nongʼiew silingʼ achiel mana kaka Jehova Nyasaye nosewacho.

2 Ruodhi 7:16 ပူးပေါင်းရင်းမြစ်များ

2 Ruodhi 7:1

To Elisha nowacho niya, “Winjuru wach Ruoth Nyasaye. Ruoth Nyasaye owacho niya, ‘Kiny, kar sa makama, nengo atonga mar mogo mayom nobed otonglo achiel e dhoranga Samaria, kendo atonge ariyo mag shairi bende otonglo achiel.’ ”

2 Ruodhi 7:15

Kuom mano, ne giluwo jo-Aram nyaka aora Jordan, mi giyudo lewni kod gik moko mang’eny mane jo-Aram owito e yo, ka gireto nikech kibaji. Eka jootego nodok, monyiso ruoth gima ne gineno.

2 Weche mag Ndalo 20:25

Kane Jehoshafat kod joge odhi mondo oyeki, ne giyudo dhok mathoth, gi mwandu gi lewni kod gik moko mabeyo mang’eny, mane ok ginyal ting’o duto. Ne gitieko ndalo adek ka pod giyeko, nimar gigo ne ng’eny ahinya.

Zaburi 68:12

Ruodhi gi jolwenjgi noringo lweny, kendo mon manie mier nopogo gik moyaki.

Zaburi 68:13

Ne gichalo akuche mobaw gi fedha, kendo ma bwombegi obaw gi dhahabu, To ere gima omiyo jou moko nodong’ adong’a dala, karito rombe?

Isaya 33:1

Yaye unune malit un jo-Asuria! Useketho gik moko, to un pok okethu. Bende usendhogo ji, to un pok ondhogu. To koro ka usetieko ketho gik moko, to un ema ibiro kethu, kendo ka utieko ndhogo ji, to un ema ibiro ndhogu.

Isaya 33:23

Bang’e ng’ama muofu kod ng’ama rang’ol bende noyud pok kuom gik moyaki.

Isaya 33:4

Mwandugi noyaki, mi tieki, mana kaka bonyo nang’o lum, mi tieki. Adier, ji nopot kuomgi mana ka det bonyo.

Isaya 44:26

To weche ma jotichna okoro, amiyo timore, kendo achopo gik ma jootena ochano. Awuoyo kuom Jerusalem ni, ji nochak odag kuno kendo, mi achak alos kuonde mokethore duto kuomgi.

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Mathayo 24:35

Polo gi piny norum. Wechena to ok norum ngang’.

1 Samuel 17:53

Kane jo-Israel oduogo koa riembo jo-Filistia, ne giyako kambigi.